'అఖండ' సినిమాతో అభిమానులకు తనలోని నట విశ్వరూపాన్ని చూపించారు నందమూరి బాలకృష్ణ. 2021లో విడుదలైన ఈ సినిమా బాక్సాఫీస్ వద్ద 'అఖండ' విజయాన్ని సాధించడంతో పాటు కాసుల వర్షాన్ని కురిపించింది. ఇక బాలయ్య-బోయపాటి కాంబోలో ముచ్చటగా మూడోసారి వచ్చిన ఈ సినిమాకు అభిమానులు బాగా కనెక్టయ్యారు. దీంతో ఈ మూవీకి సీక్వెల్ వస్తే బాగుంటుందని అభిమానులు ఎంతగానో ఎదురుచూస్తున్నారు. ఈ విషయం గురించి దర్శకుడు బోయపాటి శ్రీను కూడా పలు ఇంటర్వ్యూల్లో ప్రస్థావించారు. ఈ సినిమాకు కచ్చితంగా సీక్వెల్ తీసే అవకాశం ఉందంటూ పలుమార్లు చెప్పుకొచ్చారు. అయితే ఈ సినిమా సెట్స్పైకి ఎప్పుడు వెళ్లనుందన్న విషయంపై క్లారిటీ మాత్రం ఇవ్వలేదు. దీంతో అభిమానులు ఈ సినిమా అప్డేట్ కోసం వెయ్యి కళ్లతో ఎదరుచూస్తున్నారు. కాగా తాజాగా నెట్టింట వైరలవుతున్న ఓ సమాచారం ప్రకారం ఈ సినిమా గురించి త్వరలోనే ఓ గుడ్ న్యూస్ వినే అవకాశలున్నాయట. త్వరలోనే 'అఖండ'-2 ప్రారంభమవ్వనుందట.
ఇప్పటికే హీరో నందమూరి బాలకృష్ణతో..దర్శకుడు బోయపాటి 'అఖండ'-2 తీసే విషయంపై చర్చించారని.. దీనికి బాలయ్య సైతం సానుకూలంగా స్పందించారని టాక్. అన్నీ సెట్ అయితే ఇక ఈ సినిమా బాలయ్య పుట్టిన రోజు సందర్భంగా జూన్ 10 లాంచ్ అయ్యే అవకాశాలున్నాయట. అయితే రీసెంట్గా బాలయ్య బోయపాటి కాంబోలో ఓ పొలిటికల్ సినిమా తెరకెక్కనున్నట్లు వార్తలు సైతం నెట్టింట చక్కర్లు కొట్టాయి. దీంతో మొదట ఏది పట్టాలెక్కనుందా అని అభిమానుల్లో ఆసక్తి నెలకొంది.
ఇక బాలయ్య ప్రస్తుతం అనిల్ రావిపుడి దర్శకత్వంలో ఓ సినిమాలో నటిస్తున్నారు. ఎన్బీకే 108 అనే వర్కింగ్ టైటిల్తో తెరకెక్కుతున్న ఈ మూవీ షూటింగ్ మే చివరి కల్లా కంప్లీట్ అయ్యే అవకాశాలున్నాయట. ఇక ఇదే సమయంలో బోయపాటి శ్రీను కూడా యంగ్ హీరో రామ్ పోతినేనితో తీస్తున్న సినిమాను కంప్లీట్ చేయనున్నారట. ఇప్పటికే షూటింగ్ను వేగవంతం చేస్తున్నారని టాక్. దీంతో వీరి కాంబినేషన్‌లో ఇక 'అఖండ'-2 త్వరలోనే సెట్స్పైకి వెళ్లనున్నట్లు తెలుస్తోంది.
ఇందులో బాలయ్య సరసన కాజల్ అగర్వాల్ నటిస్తుండగా.. యంగ్ హీరోయిన్ శ్రీలీల ఓ కీలక పాత్రలో నటిస్తోంది. ఇప్పటికే శరవేగంగా జరగుతున్న ఈ షూటింగ్లో బాలయ్యతో పాటు శ్రీ లీల, కాజల్ జాయినయ్యారు. ఇక ఈ చిత్రానికి సంగీత దర్శకుడు తమన్ స్వరాలు సమకూర్చనున్నారు. షైన్ స్కీన్స్ పతాకంపై సాహు గారపాటి, హరీష్ పెద్ది నిర్మిస్తున్న ఈ సినిమాలో బాలయ్య క్యారెక్టర్ మరింత పవర్ఫుల్గా ఉంటుందని టాక్.
