Maruti Suzuki Swift Unveiled : దేశీయ ఆటోమొబైల్ దిగ్గజం మారుతి సుజుకి బుధవారం టోక్యో మోటార్ షోలో.. 'ఫోర్త్ జనరేషన్ స్విఫ్ట్ ' కారును ప్రదర్శించింది. వచ్చే ఏడాది దీనిని భారత మార్కెట్లో విడుదల చేసే అవకాశం కనిపిస్తోంది.
టోక్యో మోటార్ షోలో..
4th Gen Suzuki Swift Unveiled : మారుతి సుజుకి స్విఫ్ట్ కార్లు ఇప్పటికే.. మంచి పనితీరుతో, సూపర్ మైలేజీతో వినియోగదారుల మనస్సులను కొల్లగొట్టాయి. అందుకే ఈ మోడల్ కార్లకు భారత్లో మంచి డిమాండ్ ఉంది. దీనిని క్యాష్ చేసుకునేందుకే మారుతి సుజుకి.. తమ లేటెస్ట్ ఫోర్త్ జనరేషన్ స్విఫ్ట్ కారును.. టోక్యో మోటార్ షోలో అధికారికంగా ప్రదర్శించింది. వచ్చే ఏడాది దీనిని లాంఛ్ చేసే అవకాశం ఉంది. అయితే దీనిపై కంపెనీ ఇంకా ఎలాంటి అధికారిక ప్రకటన చేయలేదు.
మారుతి సుజుకి స్విఫ్ట్ ఫీచర్స్?
Maruti Suzuki Swift Features : ఈ సరికొత్త మారుతి సుజుకి స్విఫ్ట్ కారును.. పాత మోడళ్ల కంటే మంచి లుక్తో, స్టైలిష్ డిజైన్తో రూపొందించినట్లు స్పష్టంగా కనిపిస్తోంది. ఈ కారులో కొత్తగా బ్లాక్-కలర్డ్ గ్రిల్స్, స్వెప్ట్బ్యాక్ ఎల్ఈడీ హెడ్ల్యాప్స్, ఎల్-షేప్ ఎల్ఈడీ డీఆర్ఎల్స్, పియానో బ్లాక్ ఓవీఆర్వీ ఉన్నాయి. కారు వెనుక భాగంలో.. టెయిల్ ల్యాంప్లతో కూడిన ఇంటిగ్రేటెడ్ స్పాయిలర్లు కనిపిస్తున్నాయి.
ఈ నయా స్విఫ్ట్ కారు ముందు భాగం దాదాపు పాత మోడల్స్ లానే సిగ్నేచర్ స్టైలింగ్లో ఉంది. కానీ ఎడ్జ్ లుక్స్, కాస్మోటిక్ ఛేంజస్ స్పష్టంగా కనిపిస్తున్నాయి. కారు ఇంజిన్ విషయానికి వస్తే.. దీనిలో 1.2 లీటర్ త్రీ-సిలిండర్ స్ట్రాంగ్ హైబ్రీడ్ పెట్రోల్ ఇంజిన్ను అమర్చారు. దీని ఫ్యూయెల్ ఎకానమీ 35 కి.మీ నుంచి 40 కి.మీ ఉండవచ్చు.
కారు లోపల ఏలా ఉండొచ్చు?
Maruti Suzuki Swift Interior Design : మారుతి సుజుకి స్విఫ్ట్ కారు లోపల వైర్లెస్ యాపిల్ కార్ప్లే, ఆండ్రాయిడ్ ఆటో కనెక్టివిటీతో కూడిన 9 అంగుళాల ఫ్లోటింగ్ టచ్స్క్రీన్ ఇన్ఫోటైన్మెంట్ సిస్టమ్ ఉంది. అలాగే స్టార్ట్/స్టాప్ పుష్ బటన్, సరికొత్త ఎయిర్ కండిషనింగ్ వెంట్స్, టోగిల్ కంట్రోల్స్, న్యూ క్లైమేట్ కంట్రోల్ డిస్ప్లే, సెమీ-డిజిటల్ ఇన్స్ట్రుమెంట్ క్లస్టర్ ఉన్నాయి. అలాగే దీనిలో వైర్లెస్ ఛార్జింగ్, 360 డిగ్రీ కెమెరా సహా పలు అడ్వాన్స్డ్ మోడ్రన్ ఫీచర్స్ పొందుపరిచే అవకాశం ఉంది. వాస్తవానికి కంపెనీ తన ఈ నయా కారులో పొందుపరిచిన ఫీచర్ల గురించి ఎలాంటి ప్రకటన చేయలేదు. బహుశా త్వరలోనే వీటిని వెల్లడించే అవకాశం ఉంది.
