మద్యం సేవించే వారి సంఖ్య అధికంగా ఉన్న రాష్ట్రాల్లో ఉత్తర్ప్రదేశ్, బంగాల్ తొలి రెండు స్థానాల్లో ఉన్నట్లు ఐసీఆర్ఐఈఆర్, పీఎల్ఆర్ ఛాంబర్స్ నిర్వహించిన అధ్యయనం చెబుతోంది.
దాదాపు 1.4 కోట్ల మంది బంగాల్లో మద్యం సేవిస్తారని ఈ అధ్యయనం చెప్పింది. రాష్ట్రానికి ఎక్కువ ఆదాయాన్ని అందించే మూడు రంగాల్లో ఇదీ ఒకటి అని తెలిపింది. అయితే.. బంగాల్లో ఇటీవల మద్యం ధరల్లో మార్పులు చేయడం వల్ల ఈ రంగం ద్వారా వచ్చే ఆదాయంపై ప్రభావం పడే అవకాశం ఉందని చెప్పింది.
రిటైల్ మద్యం ధరలు పెరిగినందున దేశీయంగా తయారయ్యే విదేశీ లిక్కర్ అమ్మకాలు.. బంగాల్లో గణనీయంగా తగ్గాయని అధ్యయనం పేర్కొంది.
నివేదిక ఇంకా చెప్పిందంటే..?
- ప్రపంచవ్యాప్తంగా అల్కహాలిక్ బేవరేజెస్ అత్యధిక వేగంతో వృద్ధి చెందుతున్న దేశాల్లో భారత్ ఒకటి. 2020లో ఈ రంగం విపణి విలువ 52.5 బిలియన్ డాలర్లుగా ఉన్నట్లు అంచనా.
- 2020 నుంచి 2023 మధ్య అల్కహాలిక్ బేవరేజెస్ మార్కెట్ సీఏజీఆర్ 6.8శాతం వృద్ధి చెందుతుందని అంచనా.
- 2015-16, 2018-19 మధ్య కాలంలో.. ఆల్కహాల్ బేవరేజెస్ ఉత్పత్తి23.8శాతం మేర పెరిగింది. ఈ రంగంలో 15లక్షల మందికి ఉపాధి అవకాశాలు దొరికాయి.
- 2019లో భారత్లో 48.8బిలియన్ల అమ్మకాలు జరిగాయి.
అయితే.. చిలీ, అర్జెంటీనా, చైనా తరహాలో మద్యాన్ని భారీగా ఎగుమతి చేసే దేశాల స్థాయికి భారత్ ఇంకా చేరుకోలేదని ఈ అధ్యయనం చెప్పింది.
ఇదీ చూడండి: సుంకం తగ్గిస్తాం సరే.. ఇంతకీ భారత్లో మీరేం చేస్తారు?
ఇదీ చూడండి: రాష్ట్ర ప్రభుత్వం గిఫ్ట్- భారీగా తగ్గనున్న పెట్రోల్ ధర
