గ్యాంగ్​స్టర్​ ఇంటిపై పోలీసుల రైడ్.. కాసేపటికే బాలిక మృతి.. ఏమైంది?

up gangster daughter murder: గ్యాంగ్​స్టర్​ను వెతుక్కుంటూ అతడి ఇంటికి వెళ్లారు పోలీసులు. అయితే.. అతడు లేకపోవడం వల్ల తిరిగి వెళ్లారు. అనూహ్యంగా గ్యాంగ్​స్టర్​ కుమార్తె శవమై కనిపించింది. పోలీసులే ఆమెను కొట్టి చంపారని గ్రామస్థులు ఆందోళనకు దిగారు.

up gangster daughter murder: ఉత్తర్​ప్రదేశ్​ చందౌలీలో గ్యాంగ్​స్టర్​ ఇంట్లో పోలీసుల రైడ్ తర్వాత అతడి కుమార్తె శవమై కనిపించడం కలకలం రేపింది. పోలీసులు తీవ్రంగా కొట్టడం వల్లే ఆమె మృతి చెందిందని ఆరోపిస్తూ మన్​రాజ్​పుర్ గ్రామస్థులు ఆందోళనకు దిగారు. ఈ ఘటనలో గ్యాంగ్​స్టర్​ కన్నయ్య యాదవ్ చిన్న కుమార్తె తీవ్రంగా గాయపడిందన్నారు. కన్నయ్య ఇంటి వద్ద కొందరు గ్రామస్థులు చేపట్టిన నిరసనలకు సమాజ్‌వాదీ పార్టీ నాయకులు, కార్యకర్తలు సంఘీభావం తెలిపారు.

జాతీయ రహదారిని నిర్బంధించిన గ్రామస్థులు

రోడ్డుకు అడ్డంగా వాహనాలను పెట్టి నిరసన తెలుపుతున్న గ్రామస్థులు

"గ్యాంగ్‌స్టర్ కన్నయ్య యాదవ్ కుమార్తె నిషా.. తన ఇంట్లో శవమై కనిపించింది. ఆమెను సయ్యద్​రజా పోలీస్ స్టేషన్‌ ఎస్‌హెచ్‌ఓ కొట్టారన్నది ఆరోపణ. ఆ ఎస్​హెచ్ఓను సస్పెండ్ చేశాం. మృతురాలి కుటుంబ సభ్యుల నుంచి ఫిర్యాదు అందాక కేసు నమోదు చేస్తాం. మృతదేహాన్ని పోస్టుమార్టంకు తరలించాం. "

-వారణాసి జిల్లా మేజిస్ట్రేట్, సంజీవ్ సింగ్

ఇదీ చదవండి: అమానవీయం.. స్నేహితులతో కలిసి సొంత కుమార్తెపైనే..