సంసద్ టీవీ ఛానెల్ను ఈ నెల 15న ప్రారంభించాలని ప్రభుత్వం నిర్ణయించింది. ఉప రాష్ట్రపతి ఎం.వెంకయ్య నాయుడు, ప్రధాని నరేంద్ర మోదీ, లోక్సభ స్పీకర్ ఓం బిర్లా ఈ ఛానెల్ ప్రారంభోత్సవానికి హాజరుకానున్నారు.
సంసద్ టీవీ అంటే..
పార్లమెంట్ సంబంధిత వార్తలను ప్రసారం చేసే.. లోక్సభ టీవీ, రాజ్యసభ టీవీ రెండింటిని కలుపుతూ.. కొత్త ఛానెల్ను తీసుకురావాలనే నిర్ణయంతో ఏర్పాటైందే ఈ సంసద్ టీవీ.
ఉభయ సభల టీవీ ఛానెళ్లను కలుపుతూ.. సంసద్ టీవీ ఏర్పాటు చేస్తున్నట్లు రాజ్యసభ సచివాలయం ఈ ఏడాది ఫిబ్రవరిలోనే అధికారికంగా ప్రకటించింది. నిజానికి దీనిపై గత ఏడాది జూన్లోనే నిర్ణయం తీసుకుంది ప్రభుత్వం. తాజాగా సంసద్ టీవీ ప్రారంభానికి ముహూర్తం ఖరారైంది.
ఇదీ చదవండి: 'నీట్ నుంచి మినహాయింపు'.. అసెంబ్లీలో బిల్లుకు ఆమోదం
