Modi UP Visit: ప్రధాని నరేంద్ర మోదీ మరోసారి ఉత్తర్ప్రదేశ్లో పర్యటించనున్నారు. రానున్న 10 రోజుల్లో మొత్తం నాలుగు సార్లు వేర్వేరు చోట్ల వివిధ కార్యక్రమాలకు హాజరుకానున్నారు. ఇవి డిసెంబర్ 18-28 మధ్య ఉండనున్నట్లు సమాచారం.
వచ్చే ఏడాది యూపీలో అసెంబ్లీ ఎన్నికలు జరగనున్నాయి. ఈ నేపథ్యంలో ఇప్పటి నుంచే ఆ రాష్ట్రంలో వరుస పర్యటనలు చేస్తున్నారు.
మోదీ షెడ్యూల్ ఇదే..
Ganga Expressway Project
- 18న షాజహాన్పుర్లో గంగా ఎక్స్ప్రెస్వేకు శంకుస్థాపన.
దీని పొడవు 594 కి.మీ.
ఈ ఎక్స్ప్రెస్వే కోసం రూ. 36 వేల 200 కోట్లు వెచ్చించనున్నారు.
ఐఏఎఫ్ విమానాల అత్యవసర ల్యాండింగ్, టేకాఫ్ కోసం 3.5 కి.మీ. పొడవైన ఎయిర్స్ట్రిప్ను.. ఈ ఎక్స్ప్రెస్వేలో నిర్మించనున్నారు.
- డిసెంబర్ 21న ప్రయాగ్రాజ్లో.. 2 లక్షల మంది మహిళా ఉద్యోగులతో ఏర్పాటు చేసిన కార్యక్రమానికి హాజరయ్యే అవకాశం.
- డిసెంబర్ 23న తన పార్లమెంటరీ నియోజకవర్గం వారణాసిలో మరోసారి పర్యటన.
- ఈ నెల 28న కాన్పుర్లో పర్యటించి మెట్రో ప్రారంభించనున్న మోదీ
వీడియో కాన్ఫరెన్స్లో..
PM Narendra Modi to address mayors conference
మోదీ.. యూపీ పర్యటనకు ముందు వారణాసిలో జరిగే ఓ కార్యక్రమానికి వర్చువల్గా హాజరుకానున్నారు. డిసెంబర్ 17న వారణాసిలో జరగనున్న అఖిల భారత మేయర్ల సదస్సును ప్రారంభించి ప్రసగించనున్నారు.
'న్యూ అర్బన్ ఇండియా' థీమ్తో జరగనున్న ఈ కాన్ఫరెన్స్లో వివిధ రాష్ట్రాలకు చెందిన మేయర్లు పాల్గొంటారని ప్రధానమంత్రి కార్యాలయం వెల్లడించింది.
Modi in Varanasi
ఉత్తర్ప్రదేశ్లో రెండు రోజుల పర్యటనలో భాగంగా డిసెంబర్ 13న కాశీ విశ్వనాథ్ కారిడార్ ప్రాజెక్టును ప్రారంభించారు ప్రధానమంత్రి. అంతకుముందు వారణాసిలో క్షణం తీరిక లేకుండా గడిపారు మోదీ.
తొలుత కాలభైరవ ఆలయంలో పూజలు చేశారు. ఆ తర్వాత కాషాయ దుస్తులు ధరించి గంగానదిలో పుణ్య స్నానాలు ఆచరించారు. కాశీ విశ్వనాథుడి ఆలయంలో ప్రత్యేక పూజలు నిర్వహించారు. అనంతరం.. కాశీ విశ్వనాథ్ నడవాను ప్రారంభించారు.
సోమవారం అర్ధరాత్రి కూడా వారణాసిలో అభివృద్ధి పనులను పరిశీలించారు మోదీ. బనారస్(వారణాసి) రైల్వే స్టేషన్ను ఉత్తర్ప్రదేశ్ ముఖ్యమంత్రి యోగి ఆదిత్యానాథ్తో కలిసి సందర్శించారు.
Kashi Vishwanath Corridor
కాశీ విశ్వనాథ్ కారిడార్ పనులకు 2019 మార్చిలో ప్రధాని మోదీ శంకుస్థాపన చేశారు. ఈ ప్రాజెక్టులో భాగంగా కాశీ ఆలయ సమీపంలోని భవనాలను కూల్చివేసి రహదారులను విస్తరించారు. టెంపుల్‌ చౌక్‌, వారణాసి సిటీ గ్యాలరీ, ప్రదర్శన శాల, బహుళ రీతిలో ఉపయోగించుకునే ఆడిటోరియాలు, హాళ్లు, ధ్యాన మందిరం, భక్తులు, అర్చకుల బస కేంద్రాలు, ఆధ్యాత్మిక పుస్తక కేంద్రాన్ని నిర్మించారు.
ఇవీ చూడండి: Modi: 'వెళ్లండయ్యా.. వెళ్లి కాశీ చూసి రండి.. ఎంతో అభివృద్ధి చేశాం'
