Hala Startup in Hyderabad : ఉన్నత చదువులు చదివి ఉద్యోగం చేయాలని కొందరు అనుకుంటే సొంతంగా స్టార్టప్ ప్రారంభించి తమతో పాటు పది మందికి ఉపాధి కల్పించాలని మరికొందరు భావిస్తున్నారు. రెండో కోవకే చెందుతారీ స్నేహితులు. ఈవీల వినియోగం పెరుగుతున్న నేపథ్యంలో హలా మోబిలీటీ అనే స్టార్టప్ ప్రారంభించారు. ఈ కామర్స్‌, గిగ్ వర్కర్లకు యాప్‌ ద్వారా సేవలందిండమేకాకా బ్యాటరీలు, డ్రైవర్లనూ అందిస్తున్నారు. మరిన్ని విశేషాలు హలా మోబిలిటీ ఫౌండర్స్ మాటల్లోనే విందాం.
మా టీంతోనే సాధ్యం : గిగ్ వర్కర్లను అందరు తేలిగ్గా తీసుకుంటారని, దాని గురించే ఆలోచించి హలా లీజింగ్ విధానాన్ని ప్రారంభించిందన్నారు. డెలివరీ బాయ్స్ రోజు మొత్తం పనిచేసి కనీసం 48 శాతమైన ఆదాయాన్ని ఇంటికి తీసుకువెళ్లాలి అనే ఆలోచనతో స్టార్ట్ చేయడం జరిగిందని వ్యవస్థాపకులు శ్రీకాంత్ రెడ్డి తెలిపారు. ఈ హలాను ప్రారంభించినప్పటి నుంచి టీం అంతా కష్టపడి పని చేయడం వల్లే మంచి విజయాన్ని అందుకుందని మరో ఫౌండర్ స్నేహిత్ రెడ్డి వెల్లడించారు.
నిజంగా చెప్పాలంటే దాదాపు ఒక ఏడాది పాటు ఎవరూ సాలరీ లేకుండా పనిచేశాం. దీనితో పాటు ప్రత్యక్షంగా వంద మందికి ఉద్యోగాలు కల్పించాం. కేవలం ఈ సంవత్సరంలోనే దాదాపుగా పరోక్షంగా 3 వేల మంది ఉపాధి పొందగలుగుతున్నారు. రానున్న రోజుల్లో హలాను ముంబయి, బెంగళూరు, చెన్నై లాంటి నగరాలకు విస్తరించే ఆలోచనలు ఉన్నాయి. ప్రస్తుతం స్టార్టప్ ద్వారా రూ.51 కోట్ల రుణాన్ని సేకరించాం. వాటితో రానున్న 14 నెలల్లో 10 వేల ఎలక్ట్రిక్ వాహనాలను టార్గెట్గా పెట్టుకున్నాం - హలా ఈ-మొబిలిటీ ఫౌండర్స్
