Lalu Yadav Health: ఆర్జేడీ అధినేత లాలూ ప్రసాద్ యాదవ్ ఆరోగ్యం మరింత క్షీణించినట్లు సమాచారం. ప్రస్తుతం రాంచీలోని రిమ్స్లో చికిత్స పొందుతున్న ఆయనను మెరుగైన చికిత్స నిమిత్తం దిల్లీ తరలించేందుకు ఏర్పాట్లు జరుగుతున్నట్లు తెలుస్తోంది. అయితే రిమ్స్ మెడికల్ బోర్డు సమావేశమై దీనిపై తుది నిర్ణయం తీసుకున్న తర్వాతే లాలూను దిల్లీ ఆస్పత్రికి తీసుకెళ్ళనున్నారు. బోర్డు నిర్ణయం కోసమే అధికారులు ఎదురు చూస్తున్నారు. మరోవైపు రిమ్స్లోనే చికిత్స పొందుతున్న ఆర్జేడీ ఎంపీ ఆర్కే రాణాను దిల్లీకి తరలించేందుకు మెడికల్ బోర్డు అనుమతి ఇచ్చినట్లు తెలుస్తోంది.
Lalu Fodder Scam
పశువుల దాణ కుంభకోణం కేసులో జైలు శిక్ష అనుభవిస్తున్న లాలూ.. అనారోగ్యం కారణంగా రాంఛీలోని రిమ్స్లో చేరారు. అక్కడే చాలా రోజులుగా చికిత్స పొందుతున్నారు. అయితే మంగళవారం ఉదయం ఆయన ఆరోగ్యం క్షీణించింది. దీంతో ఆయనకు చికిత్స అందిస్తున్న చీఫ్ డాక్టర్ విద్యాపాటి.. దిల్లీలోని ఎయిమ్స్కు తరలించాలని సూచించారు. ఈ విషయంపైనే రిమ్స్ మెడికల్ బోర్డు సమావేశమైంది. తుది నిర్ణయం తీసుకున్న తర్వాత లాలూను దిల్లీ ఎయిమ్స్కు తరలించే అవకాశం ఉంది.
పశువుల దాణ కుంభకోణం కేసులోనే అరెస్టయిన ఆర్జేడీ ఎంపీ ఆర్కే రాణా కూడా రిమ్స్లోనే చికిత్స పొందుతున్నారు. ఆయనను కూడా దిల్లీకి తరలించనున్నారు.
ఇదీ చదవండి: ఆ కిట్లో రబ్బరు పురుషాంగం- ఆశా వర్కర్లు షాక్
