కరోనా కేసుల పెరుగుదలకు ప్రజల బాధ్యతారాహిత్య ప్రవర్తనే కారణమన్న కేంద్ర ఆరోగ్యశాఖ మంత్రి హర్షవర్ధన్ వ్యాఖ్యలపై.. తీవ్రంగా మండిపడ్డారు కాంగ్రెస్ నేత రాహుల్ గాంధీ. మోదీ ప్రభుత్వం కొన్నిసార్లు దేవుడిపై, మరికొన్నిసార్లు ప్రజలపై నింద మోపుతుందని, వారి పాలనలోని లోపాల వల్లే ఇంత జరుగుతున్నా.. అంగీకరించడం లేదని విమర్శించారు.
ఇంకెన్ని యాక్ట్ ఆఫ్ మోదీలను భరించాలో?
ప్రజలు బాధ్యత లేకుండా ప్రవర్తించడం వల్లే దేశంలో కరోనా కేసులు విపరీతంగా పెరిగిపోతున్నాయని హర్షవర్ధన్ లోక్సభలో అన్నారు. దీనికి సంబంధించిన మీడియా కథనాలను ట్యాగ్ చేశారు రాహుల్. ముందుచూపు లేని, దురంహకారపూరితమైన మోదీ సర్కారు దేవుడిపై, ప్రజలపై నిందలేస్తుందే కానీ.. వారి లోపాలను అంగీకరించదంటూ ట్వీట్ చేశారు. దేశం.. ఇంకెన్ని యాక్ట్ ఆఫ్ మోదీలను భరించాలని విరుచుకుపడ్డారు రాహుల్.
ఇదీ చదవండి: రఫేల్ దళంలోకి త్వరలో మహిళా పైలెట్
