కరోనా నేపథ్యంలో బిహార్ ఎన్నికల ప్రచారానికి సంబంధించి ఎలక్షన్ కమిషన్ కీలక నిర్ణయం తీసుకుంది. దూరదర్శన్, ఆల్ ఇండియా రేడియాల్లో రాజకీయ పార్టీల ప్రచార ప్రసారాల సమయాన్ని రెట్టింపు చేసినట్లు తెలిపింది. 'నాన్- కాంటాక్ట్' ఆధారిత ఎన్నికల ప్రచారం సజావుగా జరిగేలా ఈ నిర్ణయం తీసుకున్నట్లు స్పష్టం చేసింది.
అయితే, ఈ నిబంధనలు గుర్తింపు పొందిన జాతీయ, ప్రాంతీయ పార్టీలకే వర్తిస్తుంది. కొత్త నిబంధనల ప్రకారం ఒక్కో పార్టీ 90 నిమిషాల పాటు ప్రసారాలు చేసుకోవచ్చు. కానీ, ఒకే ప్రసార సెషన్‌లో ఏ పార్టీకి 30 నిమిషాలకు మించి కేటాయించరు.
ఈ నిబంధనలు నామినేషన్ల ప్రక్రియ పూర్తయిన నాటి నుంచి ఎన్నికలకు రెండు రోజుల ముందు వరకు వర్తిస్తాయి. ప్రచార ప్రసారాలకు సంబంధించిన ట్రాన్స్స్క్రిప్ట్లు, రికార్డింగ్లు ముందుగానే ఈసీకి సమర్పించాల్సి ఉంటుంది.
బిహార్లో అక్టోబర్ 28, నవంబర్ 3, నవంబర్ 7న.. మొత్తం మూడు దశల్లో జరిగే ఎన్నికల ఫలితాలు నవంబర్ 10న ప్రకటిస్తారు.
ఇదీ చూడండి: 'బిహార్ ఎన్నికల ప్రచారానికి 47 మైదానాలు, 19 హాళ్లు'
