కేంద్ర ప్రభుత్వానికి చెందిన వివిధ విభాగాల్లో 8.72 లక్షల ఖాళీలున్నట్లు సిబ్బంది వ్యవహారాల శాఖ సహాయ మంత్రి జితేంద్ర సింగ్ తెలిపారు. 2020 మార్చి 2 నాటికి సేకరించిన సమాచారం.. ప్రభుత్వ విభాగాల్లో మొత్తం సామర్థ్యం 40,04,941 మంది కాగా.. ప్రస్తుతం 31,32,698 మంది సిబ్బంది ఉన్నట్లు రాజ్యసభలో ఆయన లిఖితపూర్వకంగా తెలిపారు.
గత ఐదేళ్లలో(2016-17 నుంచి 2020-21 వరకు) మూడు ప్రధాన నియామక ఏజెన్సీల ద్వారా సిబ్బంది నియామక ప్రక్రియను చేపట్టినట్లు జితేంద్ర పేర్కొన్నారు. యూనియన్ పబ్లిక్ సర్వీస్ కమిషన్(యూపీఎస్సీ) ద్వారా 25,267 మందిని, స్టాఫ్ సెలక్షన్ కమిషన్(2,14,601), రైల్వే రిక్యూట్మెంట్ బోర్డుల ద్వారా 2,04,945 మంది అభ్యర్థులను నియమించినట్లు సిబ్బంది వ్యవహారాల సహాయ మంత్రి వివరించారు.
ఇదీ చూడండి: విపక్షాల రగడ- ఉభయసభలు రేపటికి వాయిదా
