2025కు 'పుష్ప 2'! - రిలీజ్ ఎప్పుడంటే?

Pushpa 2 Postponed for April 2025 : పుష్ప 2 మళ్లీ వాయిదా పడటం ఖాయమనే తెలుస్తోంది! డిసెంబర్ 6 నుంచి ఈ మూవీ వాయిదా పడినట్లు కొద్ది రోజులుగా ప్రచారం సాగుతున్న సంగతి తెలిసిందే. అయితే తాజాగా ఈ మూవీ పోస్ట్​పోన్ గురించి సోషల్ మీడియాలో ఓ ట్వీట్​ తెగ చక్కర్లు కొడుతోంది. వాస్తవానికి ఈ సినిమా 2024 ఆగస్టు 15న విడుదల కావాల్సింది. కానీ షూటింగ్ ఆలస్యం కావడం వల్ల డిసెంబర్ 6కు పోస్ట్​పోన్ చేశారు. ఇప్పుడు డిసెంబర్ 6 నుంచి వచ్చే ఏడాది ఏప్రిల్​కు వాయిదా పడినట్లు జోరుగా ప్రచారం సాగుతోంది. ఏదేమైనా దీనిపై క్లారిటీ రావాలంటే అధికార ప్రకటన వచ్చే వరకు వేచి ఉండాల్సిందే. కాగా, అల్లుఅర్జున్ హీరోగా సుకుమార్‌ దర్శకత్వంలో ఈ సినిమా తెరకెక్కుతోంది. పుష్ప : ది రైజ్‌కు కొనసాగింపుగా రానుంది. మైత్రీ మూవీమేకర్స్‌ బ్యానర్​పై నవీన్‌ యెర్నేని, వై.రవిశంకర్‌ నిర్మిస్తున్నారు.