Honor 300: ఆకర్షణీయమైన లుక్, అదిరే ఫీచర్లతో హానర్ నుంచి కొత్త స్మార్ట్ఫోన్లు రాబోతున్నాయి. కంపెనీ త్వరలో తన 'హానర్ 300' సిరీస్ను చైనాలో లాంఛ్ చేయనుంది. ఈ సిరీస్లో 'హానర్ 300', 'హానర్ 300 ప్రో' అనే రెండు మోడల్స్ రిలీజ్ అయ్యే అవకాశం ఉంది. ఈ నేపథ్యంలో కంపెనీ తాజాగా 'హానర్ 300' సిరీస్ కలర్ ఆప్షన్స్ను రివీల్ చేసింది.
అదే సమయంలో లాంఛ్కు ముందే ఈ స్మార్ట్ఫోన్లలోని కొన్ని స్పెషల్ ఫీచర్లు లీక్ అయ్యాయి. దీని బేస్ వేరియంట్ ఫ్లాట్ స్క్రీన్ డిజైన్‌తో వస్తుందని తెలుస్తోంది. త్వరలో రిలీజ్ కాబోతున్న ఈ సిరీస్లోని కొన్ని కీలక స్పెక్స్తో పాటు ర్యామ్, స్టోరేజ్ కాన్ఫిగరేషన్ల గురించి టిప్స్టర్ కొన్ని వివరాలు వెల్లడించింది. అవేంటో ఇప్పుడు తెలుసుకుందాం రండి.
డిజైన్ అండ్ కలర్ ఆప్షన్స్: త్వరలో మార్కెట్లోకి ఎంట్రీ ఇవ్వనున్న 'హానర్ 300' డిజైన్‌ను కంపెనీ గురువారం Weibo పోస్ట్లో వెల్లడించింది. "Lu Yanji", "Yulongxue", "Tea Card Green", "Cangshan Ash" వంటి నాలుగు కలర్ ఆప్షన్లలో రానున్నట్లు మరో పోస్ట్లో రివీల్ చేసింది. కంపెనీ పంచుకున్న పోస్ట్లో మొబైల్ బ్యాక్ ప్యానెల్.. పర్పుల్, బ్లూ, వైట్ రంగుల్లో మార్బుల్ ప్యాటెర్న్తో ఉంది.
'హానర్ 300' వెనక ప్యానెల్ లెఫ్ట్ కార్నర్లో అసిమెట్రికల్ హెక్సాగోనల్ కెమెరా మాడ్యూల్ను కలిగి ఉంది. ఇందులో పిల్-షేప్లో LED ప్యానెల్తో డ్యూయల్ కెమెరా సెటప్ ఉంటుంది. కెమెరా మాడ్యూల్కు ఒక వైపు "Portrait Master" అనే పదం కన్పిస్తుంది. పవర్ బటన్, వాల్యూమ్ రాకర్ ఫోన్కు కుడి వైపున ఉన్నాయి. మరో పోస్ట్లో కంపెనీ.. ఫోన్ కేవలం 6.97 మిమీ మందంతోనే వస్తుందని వెల్లడించింది.
స్పెసిఫికేషన్స్: టిప్స్టర్ డిజిటల్ చాట్ స్టేషన్ Weibo పోస్ట్ ప్రకారం.. 'హానర్ 300' సిరీస్ 50-మెగాపిక్సెల్ డ్యూయల్ రియర్ కెమెరా యూనిట్‌ను కలిగి ఉండొచ్చు. ఇందులో ప్లాస్టిక్ మిడిల్ ఫ్రేమ్, ఫ్లాట్ డిస్ప్లే, ఇన్-డిస్ప్లే ఆప్టికల్ ఫింగర్ ప్రింట్ సెన్సార్ ఉండే అవకాశం ఉంది. ఈ ఫోన్ 100W వైర్డ్ ఫాస్ట్ ఛార్జింగ్‌కు సపోర్ట్ చేస్తుందని టిప్స్టర్ పేర్కొంది.
మరో నివేదిక ప్రకారం.. బేస్ వేరియంట్‌లో స్నాప్‌డ్రాగన్ 7 సిరీస్ చిప్‌సెట్ ఉండొచ్చు. ఇక ప్రో మోడల్ స్నాప్‌డ్రాగన్ 8 జెన్ 3 చిప్‌సెట్‌ను కలిగి ఉండొచ్చు. బేస్ 'హానర్ 300'ను 8+256GB, 12+256GB, 12+512GB, 16+512GB RAM, స్టోరేజ్ కాన్ఫిగరేషన్‌లలో అందించొచ్చు.
ఇట్స్ టైమ్ టు ప్లే- 'బ్లాక్ ఫ్రైడే సేల్‌'లో మొదలైన ఆఫర్ల హంగామా- గేమింగ్ లవర్స్కు ఇక పండగే!
లగ్జరీ కారు కొనడం మీ కలా..? అయితే వెంటనే త్వరపడండి.. త్వరలో వాటి ధరలు పెంపు!
