Prabhas Kalki 2898AD 9 Days Collections : ప్రభాస్ కల్కి 2898ఏడీ కలెక్షన్స్ వీకెండ్ డేస్ కావడం వల్ల కాస్త లైట్గా తగ్గినప్పటికీ రికార్డులను మాత్రం క్రియేట్ చేస్తోంది. రూ.1000 కోట్లు దిశగా దూసుకెళ్తోంది. మొదటి రోజే ప్రపంచవ్యాప్తంగా రూ. 191 కోట్లతో సంచలనం సృష్టించిన ఈ సినిమా రెండో వారంలోనూ తన హవాను కొనసాగిస్తూ ముందుకెళ్తోంది.
అలా రెండో శుక్రవారం కూడా చెప్పుకోవదగ్గ వసూళ్లనే సాధించిందట. ఈ క్రమంలోనే మూవీటీమ్ వసూళ్ల గురించి అఫీషియల్ అనౌన్స్మెంట్ చేసింది. 9 రోజుల్లో వరల్డ్వైడ్గా రూ. 800 కోట్లు వచ్చినట్లు ప్రత్యేక పోస్టర్ను రిలీజ్ చేసింది. ఈ పోస్టర్లో చుట్టూ ఉన్న మంటల్లో ప్రభాస్ కనిపించిన తీరు అద్భుతంగా ఉంది. కాగా, ఇండియా వైడ్గా రూ. 431.55 కోట్ల వసూళ్లు వచ్చినట్లు సమాచారం. ఎలాగో మళ్లీ వీకెండ్ వచ్చింది కాబట్టి ఈ చిత్రం మరింత భారీ వసూళ్లను సాధించే అవకాశం ఉంది.
