LIVE ఒంటిమిట్టలో శ్రీ సీతారాముల కల్యాణం మహోత్సవం-ప్రత్యక్ష ప్రసారం - Kodandaramudi Kalyanam

Vontimitta Kodandaramudi Kalyanam Annamayya District live : అన్నమయ్య జిల్లా ఒంటిమిట్టలో శ్రీ సీతారాముల కల్యాణ మహోత్సవానికి వైభవంగా నిర్వహించేందుకు తిరుమల తిరుమతి దేవస్థానం సర్వం సిద్ధం చేసింది. ఈ నేపథ్యంలో సీతారాముల కల్యాణ వేదికను అంగరంగ వైభవంగా ఆలయ అధికారులు అలరించారు. శ్రీ సీతారాముల కల్యాణ మహోత్సవం భక్తుల ఎలాంటి అసౌకర్యాలు కలగకుండా అన్నిరకాల ఏర్పాట్లు చేశారు. భక్తుల సౌకర్యార్థం జిల్లా యంత్రాంగం సమన్వయంతో అన్నప్రసాదాలు, తాగునీటి సౌకర్యం, మజ్జిగ పంపిణీ ఇలా అన్ని రకాల భద్రతా ఏర్పాట్లను చేసింది. భక్తులు స్వామి వారి కల్యాణమును వీక్షించడానికి ఎల్​ఈడీ స్క్రీన్లులను ఏర్పాటు చేసింది. అన్ని రకాల పనులు చేయడానికి దాదాపు 580 మంది సిబ్బంది విధులు నిర్వహిస్తున్నారు. కళ్యాణానికి విచ్చేసిన ప్రతి భక్తుడికి గ్యాలరీలలోనే తలంబ్రాలు, శ్రీవారి లడ్డు ప్రసాదాలు పంపిణీ చేసేందుకు టీటీడీ అన్ని రకాల ఏర్పాట్లు పూర్తి చేసింది. ఇందు కోసం దాదాపు 1500 మంది శ్రీవారి సేవకులు భక్తులకు సేవలు అందించనున్నారు. ఈ కల్యాణ మహోత్సవాన్ని మీరు వీక్షించండి..