LIVE : ట్యాంక్​బండ్​పై సద్దుల బతుకమ్మ సంబురాలు

Saddula Bathukamma Celebrations At Tank Bund Live : రాష్ట్రవ్యాప్తంగా సద్దుల బతుకమ్మ సంబరాలు మొదలయ్యాయి. సాయంత్రం ట్యాంక్​ బండ్​పై జరగనున్న సద్దుల బతుకమ్మ వేడుకలకు మంత్రి సీతక్క హాజరయ్యారు. అమరవీరుల స్మారకం నుంచి చిల్ట్రన్స్​ పార్క్​ వరకూ బతుకమ్మ ఊరేగింపు జరిగింది. సద్దుల వేడుకల సందర్భంగా సాయంత్రం 4 గంటల నుంచి 11 గంటల వరకూ ట్యాంక్​ బండ్​ పరిసర ప్రాంతాల్లో ట్రాఫిక్ ఆంక్షలు విధించారు. ఊరేగింపు అనంతరం లేజర్​ షో, క్రాకర్ షో జరిగింది. సుమారు 10వేల మంది మహిళలు ఇందులో పాల్గొన్నారు. నగరంలో సద్దుల బతుకమ్మ ఘనంగా నిర్వహించేందుకు ప్రభుత్వం ఏర్పాట్లు చేసింది. ట్యాంక్ బండ్​పై సాంస్కృతిక, పర్యాటక శాఖ ఆధ్వర్యంలో నిర్వహిస్తున్న ఈ కార్యక్రమంలో మంత్రి సీతక్క, పలువురు నేతలు, అధికారులు హాజరయ్యారు. సుమారు 800 మందికి పైగా పోలీసులతో కట్టుదిట్టమైన భద్రత ఏర్పాటు చేశారు. మహిళలకు ఎలాంటి ఇబ్బందులు కలగకుండా చర్యలు తీసుకున్నట్లు అధికారులు తెలిపారు.