ఎన్నికల్లో ఇండియా కూటమి అభ్యర్థులను గెలిపించాలి : వడ్డే శోభనాద్రీశ్వరరావు - Nayavanchana Book Released

Nayavanchana Book Released in Vijayawada : ఇతర రాష్ట్రాలకు అప్పు చేయడానికి ఆంక్షలు విధిస్తున్న కేంద్ర ప్రభుత్వం ఆంధ్రప్రదేశ్​ రాష్ట్రానికి మాత్రం ఎంత అప్పు కావాలంటే అంత తీసుకునే వేసులుబాటును ప్రధానమంత్రి మోదీ ఎందుకు కల్పించారని రాజ్యాంగ హక్కుల పరిరక్షణ సమితి రాష్ట్ర కన్వీనర్ వడ్డే శోభనాద్రీశ్వరరావు ప్రశ్నించారు. రాష్ట్రానికి మోదీ ప్రభుత్వం చేసిన 10 మోసాలను నయవంచన పేరుతో బయటపెడుతున్నామన్నారు. 

ఈ పుస్తకాన్ని విజయవాడలో ఆవిష్కరించారు. పుస్తకంలో ప్రధానంగా ధరల పెరుగుదల, రైతాంగ సంక్షోభం, నిరుద్యోగ సంక్షోభం, కార్పోరేట్ల అవినీతి, వంటి అంశాలతో పాటు ఇతర రైతు కార్మిక వ్యతిరేక చట్టాల గురించి ప్రస్తావించామన్నారు. ముఖ్యమంత్రి జగన్మోహన్ రెడ్డి రాష్ట్రంలో మద్యం, ఇసుక, మైనింగ్​లలో వేల కోట్లు దోచుకునే పనిలో ఉన్నారని ఆయన మండిపడ్డారు. ఈ క్రమంలో ఆయన ఎన్నికల్లో ఇండియా కూటమి అభ్యర్థులను గెలిపించాలని కోరారు. ఈ పుస్తకావిష్కరణ కార్యక్రమానికి  ఎమ్మెల్సీ కేఎస్​ లక్ష్మణరావు తదితరులు పాల్గొన్నారు.