యూకే మాజీ ప్రధాని టోనీ బ్లెయిర్‌ను కలిసిన మంత్రి లోకేశ్ దంపతులు - Nara Lokesh Meet Tony Blair

Minister Nara Lokesh Meet Tony Blair: విద్య, ఐటీ శాఖ మంత్రి నారా లోకేశ్ పాలనలో తనదైన శైలిలో దూసుకుపోతున్నారు. సమస్య ఉందంటూ ఎవరైనా ఫిర్యాదు చేస్తే వెంటనే స్పందించి, తగు చర్యలు తీసుకుంటున్నారు. అదే విధంగా ప్రజా సమస్యల పరిష్కారానికి ప్రజా దర్బార్ ఏర్పాటు చేయడమో కాకుండా వాటి పరిష్కారానికి ప్రత్యేకంగా వ్యవస్థను ఏర్పాటు చేశారు.

తాజాగా లోకేశ్ ప్రజల ఆదాయం పెంచే మార్గాలపై దృష్టిపెట్టారు. ముంబయిలో యూకే మాజీ ప్రధాని టోనీ బ్లెయిర్‌ను లోకేశ్ దంపతులు కలిశారు. టోనీ బ్లెయిర్‌కు చెందిన ఇన్‌స్టిట్యూట్‌ ఆఫ్ గ్లోబల్ చేంజ్ ద్వారా ఉమ్మడి ఎజెండాతో కలిసి పనిచేసేందుకు సిద్ధంగా ఉన్నట్లు విద్య, ఐటీ శాఖ మంత్రి నారా లోకేశ్ తెలిపారు. ప్రజల ఆదాయం పెంచే మార్గాలపై బ్లెయిర్ ఇచ్చిన స్ఫూర్తిదాయక సూచనలు రాష్ట్రంలో ఎలా ఉపయోగించాలో అధ్యయనం చేస్తామన్నారు. అర్థవంతమైన చర్చతో విలువైన సూచనలు చేసిన టోనీ బ్లెయిర్​కు ధన్యవాదాలు తెలిపారు. పరిపాలన, విద్య, ఆరోగ్యం రాజకీయ రంగాలపై చర్చించారు.