ఒక్కటైన కొరియా అబ్బాయి, తమిళమ్మాయి- భారతీయ సంప్రదాయంలో పెళ్లి- డ్యాన్స్ చూశారా? - Korea Boy Marry Tamil Girl

Korea Boy Marry Tamil Girl : తమిళనాడుకు చెందిన ఓ యువతి సౌత్​ కొరియా అబ్బాయిని ఘనంగా భారతీయ సంప్రదాయం ప్రకారం పెళ్లి చేసుకుంది. సోషల్​ మీడియా ద్వారా కొరియా అబ్బాయితో అయిన పరిచయం ప్రేమగా మారడం వల్ల పెద్దల అంగీకారంతో ఒక్కటైయ్యారు. ఈ వివాహ వేడుకలో నవదంపతులు అందరితో డ్యాన్స్​లు వేశారు. ప్రస్తుతం ఆ వీడియో సోషల్ మీడియాలో వైరల్​ అవుతోంది.  

కరూర్​ జిల్లాలోని నడయనూర్ ప్రాంతానికి చెందిన విజయలక్ష్మి(28) బెంగళూరులోని ఓ ప్రైవేటు కంపెనీ ఉద్యోగం చేస్తోంది. ఇంగ్లీష్, కొరియన్ భాషల్లో తన కెరీర్​ గురించి వెబ్​సైట్​లో పోస్ట్ చేస్తూ ఉండేది. ఆ సమయంలోనే సౌత్​ కొరియాలోని డోంగ్​యాంగ్​కు చెందిన మిన్​జున్​ కిమ్(28)తో విజయలక్ష్మికి పరిచయం ఏర్పడింది. అలా వారి స్నేహం కాస్త ప్రేమగా మారింది. దీంతో మార్చి నెలలో విజయలక్ష్మి సౌత్​ కొరియాకు వెళ్లి మిన్ ​జుమ్ కుటుంబాన్ని కలిసింది. వాళ్ల ప్రేమను ఇరు కుటుంబసభ్యులు అంగీకరించారు. దీంతో తన తల్లిదండ్రులు, ఇద్దరు స్నేహితులతో కలిసి కిమ్​ ఇండియాకు వచ్చారు. శనివారం రాత్రి విజయలక్ష్మికి, కిమ్​కు నిశ్చితార్థం జరిపించారు. ఈ వేడుకకు వచ్చిన వారితో కలిసి కొత్త జంట డాన్స్ చేసింది. ఆదివారం పెరుమాళ్​ ఆలయంలో తమిళ సంప్రదాయం ప్రకారం పెళ్లి ఘనంగా జరిగింది.