LIVE : బీజేపీ రాష్ట్ర కార్యాలయంలో కిషన్ రెడ్డి ప్రెస్ మీట్ - Kishan Reddy Live

Kishan Reddy Live : బీజేపీ రాష్ట్ర అధ్యక్షుడు కిషన్ రెడ్డి హైదరాబాద్ నాంపల్లిలోని పార్టీ కార్యాలయంలో మీడియా సమావేశం నిర్వహించారు. ఈ సందర్భంగా ఆయన రానున్న పార్లమెంట్ ఎన్నికలపై మాట్లాడుతున్నారు. వచ్చే ఎన్నికల్లో బీజేపీ 17 స్థానాల్లో విజయ ఢంకా మోగిస్తుందని ఆ పార్టీ నేతలు ధీమా వ్యక్తం చేశారు. తెలంగాణతో పాటు దేశమంతా మోదీయే మరోసారి ప్రధాన మంత్రిగా కావాలని కోరుకుంటున్నారని తెలిపారు. మోదీ తెలంగాణ అభివృద్ధికి ఎంతో కృషి చేశారని చెప్పారు. మరోవైపు బీఆర్ఎస్, కాంగ్రెస్ పార్టీలపైన కిషన్ రెడ్డి తీవ్రంగా మండిపడ్డారు. ఆ రెండు పార్టీలు రహస్యంగా మంతనాలు జరుపుతున్నాయని ఆరోపించారు. రాష్ట్ర ప్రభుత్వం ఎన్నికల్లో ఇచ్చిన హామీలు నెరవేర్చడంలో విఫలమైందని ధ్వజమెత్తారు. భారతీయ జనతా పార్టీకి అండగా ఉండటానికి తెలంగాణ మహిళలు స్వచ్ఛందంగా పార్టీ కార్యక్రమాలకు వస్తున్నారని, మోదీ ప్రధాని కావాలని అంటున్నారని పలు సమావేశాల్లో చెప్పారు. ఇప్పటికే పూర్తిగా ఎంపీ అభ్యర్థులను ప్రకటించిన బీజేపీ ఎన్నికల ప్రచారంపై వ్యూహాలు రచిస్తోంది.