LIVE : ఖైరతాబాద్​ బడా గణేశ్​ దర్శనానికి పోటెత్తిన భక్తులు - devotees rush at Khairatabad Ganesh

Devotees Rush at Khairatabad Ganesh : ఖైరతాబాద్ మహాగణపతిని దర్శించుకునేందుకు భక్తులు పెద్ద సంఖ్యలో తరలివస్తున్నారు. మరోవైపు ఆదివారం కావడంతో భారీ గణపయ్యను కనులారా దర్శించుకోవాలని ఖైరతాబాద్​కి బారులు తీరుతున్నారు. దీంతో ఖైరతాబాద్ ప్రాంతమంతా భక్తుల రద్దీతో సందడిగా మారింది. జై గణేశా.. జైజై గణేశా నినాదాలతో ఖైరతాబాద్​ గణేశ్​ మండప ప్రాంతం మార్మోగిపోతుంది. శనివారం, ఆదివారం సెలవు రోజులు కావడంతో మెట్రో స్టేషన్​ కిటకిటలాడుతోంది. 70 అడుగుల మహా గణపతిని చూసేందుకు రెండు కళ్లు చాలడం లేదని భక్తులు హర్షం వ్యక్తం చేస్తున్నారు.ఈ నవరాత్రులు అన్ని రోజులు ఖైరతాబాద్​ గణేశుడిని ప్రముఖులు దర్శించుకున్నారు. ఖైరతాబాద్​, సోమాజిగూడ, లక్డీకాపూల్​, ఖైరతాబాద్​ వంతెన, సచివాలయం, పీపుల్స్​ ప్లాజా పరిసర ప్రాంతాల రహదారులు తెల్లవారుజాము వరకు భారీగా ట్రాఫిక్​ జామ్​తో కిక్కిరిసిపోయాయి. మరోపక్క 8వ రోజు కావడంతో ట్యాంక్​ బండ్​పై గణనాథులు నిమజ్జనానికి క్యూ కట్టాయి. పోలీసులు దగ్గర ఉండి ఒక్కొక్క వినాయకుడిని హుస్సేన్​ సాగర్​లో నిమజ్జనం చేయిస్తున్నారు.