గోల్డ్​ చైన్ చోరీ కేసులో కుమారుడి అరెస్ట్ - మీ అంతు చూస్తానంటూ ఠాణాలో హోంగార్డు హల్​చల్ - Home Guard Kishan Halchal

Home Guard Halchal in Ghatkesar Police Station : మేడ్చల్ జిల్లా ఘట్​కేసర్ ఠాణాలో హైదరాబాద్ పోలీసు కమిషనరేట్ పరిధిలో పని చేస్తున్న అజ్మిరా కిషన్ అనే హోం గార్డు హల్‌చల్ చేశాడు. బంగారు గొలుసు దొంగతనం కేసులో ఘట్​కేసర్ పోలీసులు హోంగార్డు కుమారుడు వెంకటేశ్‌ను రిమాండ్​కు తరలించారు. విషయం తెలుసుకున్న హోంగార్డు, పోలీస్ స్టేషన్‌కు వచ్చి తన కుమారుడిని అన్యాయంగా అరెస్ట్ చేశారంటూ పోలీసులతో వాగ్వాదానికి దిగాడు.

తన కుమారుడినే రిమాండ్‌కు తరలిస్తారా అంటూ హంగామా చేశాడు. మీ అంతు చూస్తానని హెచ్చరించాడు. కులం పేరిట దూషించారని కేసు పెట్టి సస్పెండ్ చేయిస్తానని పోలీసులను బెదిరించాడు. ఠాణాలో క్రైమ్ సీఐ శ్రీనివాస్ ఛాంబర్​లోకి వెళ్లి విధులను అడ్డుకున్నాడు. విధులకు ఆటంకం కలిగించారని ఎస్సై రాము ఫిర్యాదు మేరకు హోంగార్డు పై కేసు నమోదు చేసినట్లు పోలీసులు తెలిపారు. ఘట్​కేసర్ పోలీస్ స్టేషన్​లో జరిగిన ఈ ఘటన సోషల్ మీడియాలో చక్కర్లు కొడుతోంది.