విద్యార్థినులకు కేటీఆర్ బర్త్​ డే​ గిఫ్ట్​ - 100 మందికి ల్యాప్‌టాప్‌లు అందజేత - KTR Gift laptops to Students

KTR Distributed 100 Laptops to Students : బీఆర్‌ఎస్‌ రాష్ట్ర వర్కింగ్ ప్రెసిడెంట్, సిరిసిల్ల ఎమ్మెల్యే కేటీఆర్‌ తన జన్మదినాన్ని పురస్కరించుకుని మరో మానవీయ కార్యక్రమానికి శ్రీకారం చుట్టారు. గడిచిన 7 నెలల్లో ఆత్మహత్య చేసుకున్న నేతన్నల కుటుంబాలకు ఆర్థిక సాయం అందించనున్నట్లు ఆయన ప్రకటించారు. దాంతో పాటు తన పుట్టినరోజును కుటుంబంతో కలిసి హైదరాబాద్‌లోని స్టేట్‌హోంలో విద్యార్థులతో కలిసి జరుపుకున్నారు. ఈ మేరకు 100 మంది విద్యార్థినులకు ల్యాప్‌టాప్‌లు అందజేశారు.

తన పుట్టినరోజున గిఫ్ట్‌ ఏ స్మైల్‌ పేరిట 2020 నుంచి పలు సేవా కార్యక్రమాలు నిర్వహిస్తున్నానని కేటీఆర్‌ వెల్లడించారు. మరోవైపు కేటీఆర్‌ జన్మదిన వేడుకలను బీఆర్​ఎస్​ పార్టీ నాయకులు, కార్యకర్తలు, అభిమానులు ఘనంగా నిర్వహించారు. పెద్ద ఎత్తన కేకులు కట్‌ చేసి సంబరాలు జరిపారు. వరంగల్‌లో వేద పాఠశాల విద్యార్థులకు పుస్తకాలను అందజేశారు. హనుమకొండలో గులాబీ శ్రేణులు రక్తదానం చేశారు. మహబూబాబాద్‌లో అభిమానులు మెుక్కలు నాటి జై కేటీఆర్‌, జైజై కేటీఆర్‌ అంటూ నినాదాలు చేశారు.