టింబర్​ డిపోలో భారీ అగ్ని ప్రమాదం - తప్పిన ప్రాణనష్టం - Fire in timber godown

Fire Accident in Timber Godown in Jagadgirigutta : జగద్గిరిగుట్ట పోలీస్ స్టేషన్ పరిధిలోని భారీ అగ్ని ప్రమాదం సంభవించింది.  మహాదేవపురంలో శ్రీ సాయి ఎంటర్ టింబర్​ డిపోలో ఉదయం అగ్రి ప్రమాదం జరిగింది. దట్టమైన పొగలతో మంటలు ఎగిసిపడటంతో స్థానికులు భయాందోళనకు గురయ్యారు. వెంటనే పోలీసులకు సమాచారం ఇచ్చారు. హుటాహుటిన ఘటనా స్థలానికి చేరుకున్న పోలీసులు, ఫైర్​ అధికారులకు సమాచారం ఇచ్చారు. 2 ఫైర్ ఇంజిన్ల సహాయం రంగంలోకి దిగిన వారు మంటలను అదుపు చేశారు.

ఉదయం 7 గంటలకు అగ్ని ప్రమాదం చోటుచేసుకునే సమయానికి షాపు తెరవకపోవడం వల్ల ఎలాంటి ప్రాణ నష్టం జరగలేదు. అలాగే మంటలు వ్యాప్తి కాకుండా పోలీసులు సకాలంలో చర్యలు చేపట్టి అదుపు చేయడంతో అందరూ ఊపిరి పీల్చుకున్నారు. గోడౌన్​లోని సామగ్రి మొత్తం మంటల ధాటికి కాలిపోయింది. పోలీసులు దీనిపై కేసు నమోదు చేసుకుని దర్యాప్తు చేస్తున్నామని తెలిపారు. షార్ట్​​ సర్క్యూట్​ వల్లే ప్రమాదం జరిగి ఉండొచ్చని పోలీసులు ప్రాథమికంగా అంచనా వేశారు.