రామోజీని భారతరత్నతో గౌరవించడమే సముచితం : దర్శకుడు రాజమౌళి - Rajamouli On Ramoji Rao Demise

Rajamouli On Ramoji Rao Demise : ఈనాడు గ్రూపు సంస్థల చైర్మన్ రామోజీరావు అస్తమయంపై సినీ ప్రముఖులు దిగ్భ్రాంతి వ్యక్తం చేశారు. రామోజీ పిల్శ్​సిటీలో రామోజీరావు పార్థివదేహానికి డైరెక్టర్ రాజమౌళి, మ్యూజిక్ డైరెక్టర్ కీరవాణి, పుల్లెల గోపీచంద్ నివాళులు అర్పించారు. రామోజీ రావుకి భారతరత్న ఇవ్వడమే సముచిత గౌరవమని, రాజమౌళి అన్నారు. రామోజీరావు సినీ రంగంలో చెరగని ముద్రవేశారని తెలిపారు. రామోజీరావు ఆత్మకు శాంతి చేకూరాలని దేవుడిని ప్రార్థిస్తున్నానని పేర్కొన్నారు.

Keeravani On Ramoji Rao Demise : రామోజీరావు అనేక రంగాల్లో వివిధ సంస్థలు స్థాపించి వాటిని ఉన్నత శిఖరాలకు తీసుకెళ్లారని సంగీత దర్శకుడు కీరవాణి తెలిపారు. ఎంతో మందికి మార్గదర్శకంగా నిలిచారని అన్నారు. పాత్రికేయ, సినీరంగంపై ఆయన చెరగని ముద్ర వేశారని అన్నారు. సినిమా రంగంలో రామోజీరావు లేని లోటు పూడ్చలేనిదన్న కీరవాణి మీడియాలో రామోజీ సరికొత్త ప్రమాణాలు నెలకొల్పారని పేర్కొన్నారు. రామోజీరావు ఎప్పుడూ దేశాభివృద్ధి కోసమే ఆలోచించేవారని ఆయన ఆత్మకు శాంతి చేకూరాలని దేవుడిని ప్రార్థిస్తున్నానని వ్యాఖ్యానించారు. రామోజీరావు కుటుంబ సభ్యులకు తన ప్రగాఢ సానుభూతి తెలిపారు.