వీలైనంత త్వరగా పాలమూరు రంగారెడ్డి ప్రాజెక్టు పనులు పూర్తి చేస్తాం : ఎమ్మెల్యే మధుసూదన్‌రెడ్డి

Devarakadra MLA Madhusudhan Reddy Face2Face : పాలమూరు రంగారెడ్డి ఎత్తిపోతల పథకం సందర్శనలో భాగంగా ఏఐసీసీ (A.I.C.C) కార్యదర్శి వంశీ చంద్‌రెడ్డితో పాటు మహబూబ్‌నగర్ పార్లమెంట్ నియోజకవర్గాలకు చెందిన ఎమ్మెల్యేలు కరివెన జలాశయాన్ని సందర్శించారు. ఇప్పటికే 80 శాతం వరకు పనులు పూర్తయ్యాయని, బీఆర్​ఎస్​ నాయకులు తప్పుడు ప్రచారం చేస్తున్నారని దేవరకద్ర ఎమ్మెల్యే మధుసూదన్‌రెడ్డి విమర్శించారు. వాస్తవాలు ఏమిటో ప్రజలకు తెలియాలని, అందుకే జలాశయాలను సందర్శించామని తెలిపారు.  

MLA Madhusudhan Reddy Interview : పాలమూరు రంగారెడ్డి ఎత్తిపోతల ప్రాజెక్టు పనులపై ఇప్పటికే ముఖ్యమంత్రి రేవంత్​రెడ్డి దృష్టికి తీసుకెళ్లామని ఎమ్మెల్యే మధుసూదన్‌రెడ్డి  గుర్తు చేశారు. ఈ ప్రాజెక్టు అంచనా వ్యయం రూ.35,500 కోట్లు అని, ఇప్పటికే రూ.28 వేల 12 కోట్లు ఖర్చు అయిందని తెలిపారు. బీఆర్​ఎస్​ నాయకులు కోట్లు ఖర్చు చేసి కనీసం 28 ఎకరాలకు నీళ్లు ఇవ్వలేదని మండిపడ్డారు. వీలైనంత త్వరగా ప్రాజెక్టు పనులు పూర్తి చేస్తామంటున్న ఎమ్మెల్యే మధుసూదన్‌రెడ్డితో ముఖాముఖి.