LIVE : తుక్కుగూడ​ రోడ్​ షోలో సీఎం రేవంత్​ రెడ్డి - CM REVANTH ELECTION CAMPAIGN

CM Revanth Live : తెలంగాణలో అత్యధిక లోక్​సభ స్థానాల్లో గెలుపొందడమే లక్ష్యంగా అధికార కాంగ్రెస్ పార్టీ పావులు కదుపుతోంది. ఈ నేపథ్యంలోనే 12 స్థానాల కంటే ఎక్కువ గెలుపే లక్ష్యంగా ప్రత్యేక వ్యూహంతో ముందుకు వెళ్తోంది. ఎన్నికలకు సమయం దగ్గర పడుతుడటంతో ప్రచారాలు మరింత జోరందుకున్నాయి. హస్తం పార్టీ అభ్యర్థుల విజయాన్ని కోరుతూ ముఖ్యమంత్రి రేవంత్‌రెడ్డి జిల్లాల్లో విస్తృతంగా ప్రచార సభలను నిర్వహిస్తున్నారు. లోక్​సభ ఎన్నికల్లో కాంగ్రెస్ ఘన విజయానికి పార్టీ శ్రేణులు శ్రమించాలని కోరుతున్నారు. ఈ క్రమంలోనే బీఆర్ఎస్, బీజేపీలపై రేవంత్‌రెడ్డి విమర్శలు గుప్పిస్తున్నారు. ఈ నేపథ్యంలో రాహుల్​ గాంధీతో కలిసి కాంగ్రెస్​ జన జాతర సభలలో సీఎం రేవంత్​ రెడ్డి పాల్గొన్నారు. ఆ సభలు ముగిసిన తర్వాత మల్కాజిగిరి నియోజకవర్గం పరిధిలోని తుక్కుగూడలో సీఎం రేవంత్​ రెడ్డి రోడ్​ షో నిర్వహించారు. ఈ క్రమంలో బీజేపీ, బీఆర్​ఎస్​ పార్టీలపై తీవ్రస్థాయిలో విమర్శలు చేశారు. మల్కాజిగిరి కాంగ్రెస్​ ఎంపీ అభ్యర్థిని అత్యధిక ఓట్ల మెజారిటీతో గెలిపించాలని కోరారు.