LIVE : హైదరాబాద్‌లో మరో ఎలివేటెడ్‌ కారిడార్‌కు సీఎం రేవంత్​ రెడ్డి శంకుస్థాపన

Elevated Corridor Foundation Stone in Hyderabad Live : హైదరాబాద్​ నలుమూలలా అభివృద్ధే లక్ష్యంగా ప్రణాళికబద్ధంగా రాష్ట్రప్రభుత్వం ముందుకు సాగుతోంది. ఎలివేటెడ్​ కారిడార్​, మెట్రో రైల్​ విస్తరణలు చేపడుతోంది. హైదరాబాద్​, సికింద్రాబాద్​తో పాటు మేడ్చల్​-మల్కాజిగిరి, మెదక్​, కామారెడ్డి, నిర్మల్​-ఆదిలాబాద్​ మీదుగా సాగే ఎన్​హెచ్​-44పై సికింద్రాబాద్​లోని ప్యారడైజ్​ జంక్షన్​ నుంచి మొదలు కానుంది. ఇలా మొదలైన కారిడార్​ తాడ్​బండ్​ జంక్షన్​, బోయినపల్లి జంక్షన్​ మీదుగా డెయిరీ ఫాం రోడ్డు వద్ద ముగుస్తుంది. రూ.15,80 కోట్ల వ్యయంతో 5.320 కిలోమీటర్ల కారిడార్​ను నిర్మించనున్నారు. ఇందులో ఎలివేటెడ్​ కారిడార్​ 4.65 కిలోమీటర్లు, అండర్​ గ్రౌండ్​ టన్నెల్​ 0.6 కిలోమీటర్లు ఉంటుంది. ఎన్నో ఆటంకాలను అధిగమించి ఈ ఎలివేటెడ్​ డబుల్​ కారిడార్​ నిర్మాణానికి ముఖ్యమంత్రి నేడు శంకుస్థాపన చేశారు. దీంతో నగరంవాసులకు ట్రాఫిక్​ నుంచి కాస్త ఉపశమనం లభించినట్లు అవుతుంది. శుక్రవారం సీఎం రేవంత్​ రెడ్డి పాతబస్తీ మెట్రో ప్రాజెక్టుకు శంకుస్థాపన చేశారు. పాతబస్తీనే అసలైన హైదరాబాద్​ అంటూ కొనియాడారు.