కంటోన్మెంట్‌ నియోజకవర్గాన్ని నిలబెట్టుకోవడానికి అంతా సహకరించాలి : నివేదిత - Cantonment by Election

Cantonment BRS MLA Candidate Niveditha on Elections : సికింద్రాబాద్ కంటోన్మెంట్‌ నియోజకవర్గాన్ని నిలబెట్టుకోవడానికి అంతా సహకరించాలని బీఆర్​ఎస్​ అభ్యర్థి నివేదిత కోరారు. ఏడాది వ్యవధిలో తండ్రి సాయన్న, సోదరి లాస్య నందితను కోల్పోయానని ఆమె ఆవేదన వ్యక్తం చేశారు. కంటోన్మెంట్‌ ఉప ఎన్నిక నేపథ్యంలో బీఆర్​ఎస్​ ఆధ్వర్యంలో బోయిన్​పల్లిలో సన్నాహక సమావేశం నిర్వహించారు. మల్కాజిగిరి ఎమ్మెల్యే మర్రి రాజశేఖర్‌ రెడ్డి, బీఆర్​ఎస్​ ఎంపీ అభ్యర్థి రాగిడి లక్ష్మారెడ్డి సహా కార్యకర్తలు పాల్గొన్నారు.

BRS Meeting on Secunderabad Cantonment By Election : తనకు అవకాశం ఇస్తే తన తండ్రి సాయన్న బాటలోనే నియోజకవర్గాన్ని అభివృద్ధి చేస్తానని నివేదిత అన్నారు. ఈ క్రమంలో మల్కాజిగిరి ఎమ్మెల్యే మర్రి రాజశేఖర్‌రెడ్డి మాట్లాడారు. కంటోన్మెంట్ నియోజకవర్గంలో మరోసారి బీఆర్​ఎస్​ గెలుపు ఖాయమని రాజశేఖర్‌ రెడ్డి ధీమా వ్యక్తం చేశారు. ఏడాది వ్యవధిలోనే దివంగత నేత సాయన్న, లాస్య నందిత చనిపోవడం బాధకరమని అన్నారు. గత ఎన్నికల్లో మాదిరిగానే పక్కా ప్రణాళికతో ప్రజల్లోకి వెళ్లేందుకు కృషి చేయాలని కార్యకర్తలను సూచించారు.