జగిత్యాల చాయ్‌ పే చర్చా కార్యక్రమంలో పాల్గొన్న ఎంపీ అర్వింద్​ - MP Arvind in Chai Pe Charcha

BJP MP Arvind Participate in Chai Pe Charcha : 47 ఏళ్ల రాజకీయ జీవితంలో నిజామాబాద్‌ కాంగ్రెస్‌ అభ్యర్థి టి. జీవన్‌రెడ్డి చేసిన అభివృద్ధి ఏమిటో చెప్పాలని బీజేపీ నిజామాబాద్‌ ఎంపీ ధర్మపురి అర్వింద్‌ డిమాండ్​ చేశారు. జగిత్యాల మంచినీళ్ల బావి సమీపంలో ఏర్పాటుచేసిన చాయ్‌ పే చర్చా కార్యక్రమంలో పాల్గొన్న ఆయన, కాంగ్రెస్​పై తీవ్రంగా మండిపడ్డారు. ఎమ్మెల్సీగా జీవన్ రెడ్డి గెలిచి నాలుగు సంవత్సరాలు గడిచినా, ఇందూరు జిల్లాకు గాని, కోరుట్ల నియోజకవర్గానికి గాని ఎమ్మెల్సీ కోటాలో ఒక పైసా నిధులు కేటాయించారా ఆలోచించాలన్నారు.

జీవన్ రెడ్డి తనకు ప్రత్యర్ధి అయిన గౌరవంతోనే ఈ ఎన్నికల్లో కొట్లాడుతానని తెలిపారు. తన ఎంపీ పదవీకాలంలో పసుపు బోర్డు తీసుకువచ్చానన్న అర్వింద్​, పసుపు మార్కెట్ ఏ విధంగా అభివృద్ధి చేయాలో చేశానని అన్నారు. తన హయాంలో ఏడు రైల్వే ఓవర్ బ్రిడ్జిలు నిర్మించినట్లు ప్రజలకు వివరించారు. జగిత్యాల నుంచి వివిధ రాష్ట్రాలకు రైల్వేను పునరుద్ధరిస్తామని, కాంగ్రెస్ పార్టీలో ఉన్న కుటుంబ రాజకీయాలు బీజేపీలో ఉండవని అర్వింద్‌ పేర్కొన్నారు.