LIVE : సిరిసిల్లలో బండి సంజయ్ ఎన్నికల ప్రచారం - Bandi Sanjay ELECTION CAMPAIGN

Bandi Sanjay Live : తెలంగాణలో ఆరు గ్యారంటీల అమలుకు రాష్ట్ర ప్రభుత్వం దగ్గర ఉన్న ప్రణాళిక ఏంటో స్పష్టం చేయాలని బీజేపీ జాతీయ ప్రధాన కార్యదర్శి, కరీంనగర్ ఎంపీ బండి సంజయ్ డిమాండ్‌ చేశారు. పథకాల అమలును ఎటువంటి షరతులు విధించకుండా ప్రజలందరికీ అందించాలన్నారు. తాజాగా సిరిసిల్లలో ఎన్నికల ప్రచారంలో భాగంగా మాట్లాడుతున్నారు. అకాల వర్షాల వల్ల రైతులు నష్టపోతే ప్రభుత్వం పట్టించుకోవట్లేదని విమర్శించారు. రానున్న పార్లమెంట్ ఎన్నికలో బీఆర్ఎస్ మూడో స్థానానికే పరిమితమవుతుందని జోస్యం చెప్పారు. కాంగ్రెస్ రెండో స్థానంలో ఉంటుందని అన్నారు. దేశ ప్రజలందరూ ప్రధాని మోదీ నాయకత్వాన్ని కోరుకుంటున్నారని బండి సంజయ్ అన్నారు. సార్వత్రిక ఎన్నికల్లో రెండెంకెల స్ధానాలను గెలుస్తామని ధీమా వ్యక్తం చేశారు. బీఆర్​ఎస్​తో బీజేపీ పొత్తు అని కొందరు ఉద్దేశపూర్వకంగా ప్రచారం చేస్తూ, మీడియాను తప్పుదోవ పట్టిస్తున్నారని ఆక్షేపించారు. గులాబీ పార్టీతో ఎప్పటికీ కమలం పొత్తు పెట్టుకోదని బండి సంజయ్ స్పష్టం చేశారు.