కిరాయిలు రావడం లేదని ప్రజాభవన్​ ఎదుట ఆటోకు నిప్పు - డ్రైవర్​ను అదుపులోకి తీసుకున్న పోలీసులు

Auto Driver Burn his Vehicle at Praja Bhavan : హైదరాబాద్‌లోని ప్రజాభవన్ ముందు ఓ ఆటోడ్రైవర్ తన ఆటోకు తానే నిప్పు పెట్టుకున్నాడు. ఈ క్రమంలో అక్కడున్న పోలీసులు వెంటనే ఆటో డ్రైవర్​ను ఆదుపులోకి తీసుకొని, మంటలను ఆర్పారు. ఆటో డ్రైవర్​ను​ మహబూబ్‌నగర్‌కు చెందిన దేవ్లాగా పోలీసులు గుర్తించారు. ప్రభుత్వం ఆర్టీసీలో మహిళలకు ఉచిత ప్రయాణం కల్పించడంతో, తనకు ఆటో కిరాయిలు రావడం లేదని ఆవేదన వ్యక్తం చేశాడు.

Auto Fire Accident at Praja Bhavan : మహిళలకు ఉచిత బస్సు ప్రయాణం ప్రవేశపెట్టినప్పటి నుంచి తాను ఆర్థిక ఇబ్బందులు ఎదుర్కొంటున్నానని ఆటో డ్రైవర్​ దేవ్లా ఆందోళన వ్యక్తం చేశాడు. దీంతో తీవ్ర మనస్తాపానికి గురై తన ఆటోకు నిప్పు పెట్టినట్లు తెలిపాడు. ఈ ఘటనలో ఆటో పూర్తిగా దగ్ధమైంది. మహాలక్ష్మి పథకంలో భాగంగా ప్రభుత్వం మహిళలకు ఉచిత బస్సు ప్రయాణం ప్రవేశపెట్టినప్పటి నుంచి పలు ఆటో సంఘాలు ఆవేదన వ్యక్తం చేస్తున్నాయి. దీనివల్ల తాము జీవనోపాధి కోల్పోయామని, ప్రభుత్వమే తమను ఆదుకోవాలంటూ ఆటోడ్రైవర్లు కోరుతున్నారు.