మద్యం మత్తులో యువకుడి కారు డ్రైవింగ్ - పలువురికి స్వల్పగాయాలు - Car Hulchul in Hanumakonda

Drunk Man Hulchul with Car in Hanumakonda : హనుమకొండ జిల్లాలో ఓ కారు బీభత్సం సృష్టించింది. హంటర్ రోడ్డులోని న్యూశాయంపేట వద్ద మద్యం మత్తులో ఓ యువకుడు కారు నడుపి రహదారి పక్కన ఉన్న వాహనాలను ఢీ కొడుతూ పక్కనే ఉన్న దుకాణంలోకి దూసుకెళ్లాడు. ఈ ఘటనలో నలుగురు స్వల్పంగా గాయపడ్డారు. స్థానికుల సమాచారం మేరకు ఘటనా స్థలికి చేరుకున్న పోలీసులు వాహనంతో పాటు మద్యం మత్తులో ఉన్న యువకుడిని అదుపులోకి తీసుకున్నారు.

ఇతరుల ప్రాణాల ముప్పునకు కారకులుగా : గాయపడిన వారిని వెంటనే వరంగల్ ఎంజీఎం ఆసుపత్రికి తరలించి చికిత్స అందించారు. ఈ ప్రమాదంలో ఎవరికి ఎలాంటి ప్రాణాపాయం జరగకపోవడంతో అందరూ ఊపిరి పీల్చుకున్నారు. ఒకవైపు ట్రాఫిక్​ రూల్స్​ బ్రేక్​ చేసి డ్రైవింగ్​ చేస్తే కఠిన చర్యలు తప్పవని పోలీసులు హెచ్చరిస్తుండగా మరోవైపు నిబంధనలు పాటించకుండా ఇతరుల ప్రాణాలకు ముప్పునకు ప్రత్యక్షంగా, పరోక్షంగా కారకులవుతున్నారు. ట్రాఫిక్​ రూల్స్​ బ్రేక్​ చేసి ప్రయాణించడం వల్ల ఇలాంటి ప్రమాదాలు చోటుచేసుకుంటున్నాయని అక్కడున్న స్థానికులు అంటున్నారు.