వావ్.. ఇది అంతరిక్ష కేంద్రమా..?- డిజైన్​ చూస్తే మతిపోతోందిగా..!

ప్రపంచంలోనే ఫస్ట్ కమర్షియల్ స్పేస్​ స్టేషన్ - అచ్చం లగ్జరీ హోటల్​లానే - ఇంటీరియర్​ మామూలుగా లేదుగా!!!

Worlds First Commercial Space Station: అమెరికా కొత్త స్టార్టప్‌ స్పేస్‌ టెక్‌ కంపెనీ వాస్ట్‌.. ప్రపంచంలోని మొట్టమొదటి కమర్షియల్ అంతరిక్ష కేంద్రం 'హెవెన్-1' డిజైన్​ను వెల్లడించింది. సంప్రదాయ అంతరిక్ష కేంద్రాలకు స్వస్తి పలికి భూమ్మీద ఉండే అత్యంత విలాసవంతమైన హోటల్​ మాదిరిగా స్పేస్‌ స్టేషన్​ను తీర్చిదిద్దనున్నట్లు తెలిపింది. ఈ మేరకు 'హెవెన్- 1' రూపకల్పనపై సోషల్ మీడియా ప్లాట్​ఫారమ్ X వేదికగా ఓ వీడియోను షేర్ చేసింది.

ఆ వీడియోలో 'హెవెన్‌-1'ని చెక్కతో అందంగా తీర్చిదిద్దిన ద్వారాలు, మృదువైన, మెత్తని తెల్లటి గోడలు, హై ఎండ్‌ హోటల్​లో ఉండే సౌకర్యాలతో అత్యంత అధునాతనంగా రూపొందించారు. మొత్తానికి స్పేస్‌ కంపెనీ వాస్ట్‌.. అద్భుతమైన ఇంటీరియర్‌ డిజైన్‌తో వ్యోమగాములకు రిసార్ట్‌ లాంటి వాతావరణాన్ని అందించనుంది. ఇది అచ్చం భూమిపై ఉండే లగ్జరీ హోటల్‌ మాదిరి అనుభూతిని అందిస్తుంది.

pic.twitter.com/6VD6XrJg8P

— VAST (@vast) October 10, 2024

అంతేకాక 'హెవెన్-1'లో అత్యాధునిక జిమ్, అడ్వాన్సడ్ ఎంటర్టైన్మెంట్ అండ్ కమ్యూనికేషన్ సిస్టమ్‌తో కూడిన ప్రైవేట్ గదులు కూడా ఉన్నాయి. అద్భుతమైన ఇంటీరియర్ డిజైన్​తో రూపొందిస్తున్న ఈ 'హెవెన్-1'లో నలుగురు వ్యోమగాములు సౌకర్యవంతమైన గదుల్లో ఉన్నట్లు హాయిగా ఉండగలరు. అలాగే మెరుగైన నిద్ర కోసం ప్రత్యేకంగా రూపొందించిన క్వీన్-సైజ్ బెడ్ వంటివి కూడా ఇందులో ఉన్నాయి. వీటితో పాటు గుండె, ఎముకల ఆరోగ్యం కోసం ఆన్‌బోర్డ్‌ ఫిట్‌నెస్‌ సిస్టమ్ వంటి అధునాత సౌకర్యాలు కూడా ఏర్పాటు చేశారు.

Today, Vast unveiled the final design for Haven-1, the world’s first commercial space station, setting a new standard. Guided by visionary designer Peter Russell-Clarke and astronaut Andrew Feustel, we’re pushing the boundaries of life in space with human-first design led by… pic.twitter.com/xDdMzNFnuF

— VAST (@vast) October 10, 2024

స్పేస్‌ కంపెనీ వాస్ట్‌.. ఆగస్టు 2025లో ప్రయోగించనున్న స్పేస్​ఎక్స్‌ ఫాల్కన్ 9 రాకెట్‌లో 'హెవెన్‌-1' అనే పేరుతో దీన్ని ఆవిష్కరించనుంది. అయితే 2026 నాటికి ఇందులోకి సందర్శకులను అనుమతించనున్నట్లు పరిశోధకులు వెల్లడించారు. సందర్శకులు సున్నా గురుత్వాకర్షణలో చూసేలా వీలు కల్పించనున్నట్లు తెలిపారు. ప్రపంచంలోనే ఈ తొలి కమర్షియల్‌ స్పేస్‌ స్టేషన్​ను పీటర్‌ రస్సెల్‌ క్లార్ట్‌, వ్యోమగామి ఆండ్రూ ఫ్యూస్టెల్‌ రూపొందిస్తున్నారు. అచ్చం లగ్జరీయస్‌ హోటల్‌ మాదిరిగా డిజైన్ చేస్తున్న స్పేస్​ స్టేషన్ హెవెన్-1కు సంబంధించిన ఫొటోలు, వీడియోలు సోషల్​ మీడియాలో తెగ చక్కర్లు కొడుతున్నాయి.