Whatsapp Translation Feature: ప్రముఖ ఇన్స్టంట్ మెసెజింగ్ యాప్ వాట్సాప్ మరో అద్భుతమైన ఫీచర్ను తీసుకొచ్చే పనిలో పడింది. ఇప్పటికే తన వినియోగదారుల కోసం ఎన్నో ఫీచర్లను తీసుకొచ్చిన వాట్సాప్ తాజాగా 'ట్రాన్స్లేషన్ ఫీచర్'ను తీసుకురాబోతున్నట్లు తెలుస్తోంది. ఈ ఫీచర్ సాయంతో ఇతర భాషల్లో వచ్చే మెసెజ్లను చాట్ బాక్స్లోనే మనకు కావాల్సిన భాషలో ట్రాన్స్లేట్ చేసుకుని చదువుకోవచ్చు.
ప్రస్తుతం ఈ ఫీచర్ను ఆండ్రాయిడ్‌ బీటా వెర్షన్‌ 2.24.26.9లో పరీక్షిస్తున్నట్లు వాబీటా ఇన్ఫో వెల్లడించింది. చాట్స్‌తో పాటు, వాట్సప్‌ ఛానెల్‌లోనూ ఈ సదుపాయం రాబోతోంది. ఈ ఫీచర్ ముఖ్యంగా వేర్వేరు వాట్సాప్ గ్రూప్లను ఉపయోగించే యూజర్లకు ఎక్కువగా ఉపయోగపడనున్నట్లు తెలుస్తోంది.
నిజానికి వేర్వేరు గ్రూపుల్లో ఉన్నవారికి ఎన్నో భాషల్లో మెసెజ్లు వస్తూ ఉంటాయి. ఆ సమయంలో ఆ భాష రానివారు దాన్ని అర్థం చేసుకునేందుకు తెగ కష్టపడుతుంటారు. గ్రూప్లో వచ్చిన ఆ మెసెజ్ టెక్ట్స్‌ను కాపీ చేసి, వేరే ట్రాన్సలేషన్‌ టూల్‌లో వేసి చదువుతూ ఉంటారు. తద్వారా ఆ విషయంపై అవగాహన వచ్చాక రిప్లయ్‌ ఇస్తుంటారు. ఇన్ని తంటాలు పడకుండా సులువుగా చాట్‌ను ట్రాన్స్లేట్ చేసుకునేందుకు వాట్సాప్ ఈ 'ట్రాన్స్లేట్ ఫీచర్'ను తీసుకొచ్చేందుకు కసరత్తు చేస్తోంది.
ఈ ఫీచర్ పూర్తిగా మన వాట్సాప్లోనే పనిచేయనున్నట్లు తెలుస్తోంది. వాట్సాప్లో సెక్యూరిటీ కోసం ఉండే ఎండ్‌ టు ఎండ్‌ ఎన్‌క్రిప్షన్‌ సైతం ఈ ట్రాన్స్లేషన్లో పనిచేస్తున్నట్లు తెలుస్తోంది. దీంతో ఇక సాధారణ ట్రాన్స్లేషన్ టూల్స్‌లా క్లౌడ్ సర్వీస్కు పంపించాల్సిన అవసరం లేకుండా నేరుగా ట్రాన్స్లేషన్ చేసుకునే అవకాశం ఉంటున్నట్లు సమాచారం. ఫ్రీ డౌన్లోడెడ్‌ లాంగ్వేజీ ప్యాక్స్‌ ఆధారంగా ఈ ట్రాన్స్లేషన్ ఫీచర్ పనిచేస్తుంది. దీంతో ఈ ఫీచర్ సహాయంతో ఇకపై థర్డ్‌ పార్టీ సర్వర్లకు గానీ, వాట్సప్‌ సర్వర్లకు గానీ డేటాను షేర్‌ చేయాల్సిన అవసరం ఉండదు.
అంతేకాక ఈ ఫీచర్ను ఆఫ్లైన్లో ఉన్నప్పుడు సైతం వినియోగించుకోవచ్చని వాబీటా ఇన్ఫో వెల్లడించింది. అయితే ప్రతీ మెసెజ్ను ట్రాన్స్లేట్ చేయాలా? లేదా సెలెక్ట్ చేసుకున్న వాటిని మాత్రమే ట్రాన్స్లేట్ చేయాలా? అనే ఆప్షన్ కనిపించనున్నట్లు తెలుస్తోంది. వీటిలో మనం ఎంచుకున్న ఆప్షన్ను బట్టి మనకు కావాల్సిన మెసెజ్లను ఈ ఫీచర్ ట్రాన్స్లేట్ చేసి అందిస్తుంది.
అందుబాటులోకి ఎప్పుడు?:
- ప్రస్తుతం ఈ ఫీచర్ డెవలప్మెంట్ స్టేజ్లో ఉంది. దీన్ని బీటా టెస్టర్లు మాత్రమే ప్రయత్నించి దానిపై ఫీడ్ బ్యాక్ను అందించగలరు.
- ఇప్పటికైతే భారతదేశంలో ఎన్నో లాంగ్వేజెస్ ఉండటంతో ఈ ఫీచర్ ఏ ఏ భాషల్లో అందుబాటులోకి రాబోతుందనే విషయాన్ని వాబిటా ఇన్ఫో వెల్లడించలేదు.
- వాట్సాప్ త్వరలోనే ఈ ఫీచర్పై మరింత సమాచారాన్ని అందించనున్నట్లు తెలుస్తోంది.
స్టన్నింగ్ లుక్.. దిమ్మతిరికే ఫీచర్లు- టయోటా కొత్త ప్రీమియం సెడాన్ చూశారా?
యూట్యూబ్లో సరికొత్త ఫీచర్- కంటెంట్ ఖండాలు దాటేలా.. వారిపై ఇక కాసుల వర్షమే!
జియో న్యూఇయర్ వెల్కమ్ ఆఫర్- కొత్త రీఛార్జ్ ప్లాన్.. ఖర్చు కంటే ఎక్కువ బెనిఫిట్స్!
