Vivo T3x 5G Launch Date in India: దేశీయ మార్కెట్లోకి వివో నుంచి సరికొత్త స్మార్ట్ఫోన్ ఎంట్రీ ఇచ్చేందుకు రెడీగా ఉంది. ఈ మేరకు వివో T4x 5G పేరుతో కొత్త ఫోన్ను లాంఛ్ చేయనున్నట్లు టీజర్ రిలీజ్ చేసింది. గత కొన్ని నెలలుగా దీనిపై పుకార్లు షికార్లు చేస్తుండగా కంపెనీ ఇప్పుడు త్వరలోనే దీన్ని లాంఛ్ చేయనున్నట్లు కన్ఫార్మ్ చేసింది. వివో ఈ ఫోన్ను మార్చి నెలలో భారత మార్కెట్లో లాంఛ్ చేయనున్నట్లు తెలుస్తోంది. ఈ ఫోన్ గతంలో బ్యూరో ఆఫ్ ఇండియన్ స్టాండర్డ్స్ అంటే BIS వెబ్‌సైట్‌లో కూడా కనిపించింది. ఈ సందర్భంగా దీనిపై మరిన్ని వివరాలు తెలుసుకుందాం రండి.
వివో T4X 5G టీజర్ రిలీజ్: వివో ఈ స్మార్ట్ఫోన్ టీజర్ను ఫ్లిప్కార్ట్లో రిలీజ్ చేసింది. ఈ అప్కమింగ్ స్మార్ట్ఫోన్ గతేడాది రూ. 13,499కి లాంఛ్ అయిన 'వివో T3X 5G' అప్గ్రేడ్ వెర్షన్. ఇప్పుడు ఈ అప్కమింగ్ 'వివో T4X 5G' ఫోన్ మైక్రోసైట్ ఈ-కామర్స్ ప్లాట్‌ఫామ్ ఫ్లిప్కార్ట్లో షేర్ అయింది. ఇక ఇది ఈ సెగ్మెంట్లో అతిపెద్ద బ్యాటరీతో రాబోతుందని కంపెనీ తన టీజర్లో పేర్కొంది.
అయితే ఈ ఫోన్ బ్యాటరీ కెపాసిటీ, ఇతర స్పెసిఫికేషన్ల వివరాల గురించి వివో ఇంకా కచ్చితమైన సమాచారం అందించలేదు. కానీ కంపెనీ 'వివో T3X 5G' లో 6000mAh బ్యాటరీని ఇచ్చింది. దీంతో ఈ ఫోన్ను అప్గ్రేడ్ వెర్షన్గా వస్తున్న 'వివో T4X 5G' ఫోన్లో కంపెనీ 6,500mAh బ్యాటరీని అందించొచ్చని అంచనా వేయొచ్చు.
ఇది కాకుండా కంపెనీ ఈ ఫోన్ను మీడియాటెక్ డైమెన్సిటీ 7300 చిప్‌సెట్‌తో లాంఛ్ చేసే అవకాశం ఉంది. ఈ చిప్సెట్ 7,28,000 AnTuTu స్కోర్ చేసిందని ఓ నివేదిక సమాచారం అందించింది. ఇక గతేడాది ప్రారంభించిన 'వివో T3X 5G'లో కంపెనీ స్నాప్‌డ్రాగన్ 6 Gen 1 చిప్‌సెట్‌ను అందించింది.
వీటితో పాటు కంపెనీ ఈ అప్కమింగ్ ఫోన్లో డైనమిక్ లైట్ ఫీచర్‌ను అందించొచ్చు. ఇది వినియోగదారులకు కస్టమైజ్డ్ లైట్నింగ్ ఎఫెక్స్ట్తో నోటిఫికేషన్లను అందించడంలో సహాయపడుతుంది.
కలర్ ఆప్షన్స్: కంపెనీ దీన్ని ఈ కింది కలర్ ఆప్షన్లతో లాంఛ్ చేయొచ్చు.
- పర్పుల్
- బ్లూ
లాంఛ్ టైమ్‌లైన్: వివో ఈ అప్కమింగ్ స్మార్ట్ఫోన్ను మార్చి 2025లో లాంఛ్ చేయనున్నట్లు తెలుస్తోంది.
ధర: కంపెనీ ఈ ఫోన్ను దాదాపు రూ. 15,000 ధరతో ఇండియన్ మార్కెట్లోకి తీసుకొచ్చే అవకాశం ఉంది.
గగన్యాన్తో మరో అద్భుతానికి ఇస్రో రెడీ!- ఈ ఏడాదే మొదటి ఫ్లైట్ లాంఛ్- షెడ్యూల్ ఇదే!
వాట్సాప్లో భలే కొత్త ఫీచర్- ఇకపై మీ చాట్ను రంగులతో నింపేయొచ్చు- ఎలాగంటే?
మహింద్రా కొత్త ఎలక్ట్రిక్ కార్ల బుకింగ్స్ స్టార్ట్- ఫీచర్ల నుంచి ప్రైస్ వరకు వివరాలివే!
