100జీబీ క్లౌడ్​ స్టోరేజీతో అతి తక్కువ ధరలో ల్యాప్​టాప్​- స్టూడెంట్స్​కు బెస్ట్​ ఆప్షన్​!

Laptop Under 15000 : మంచి ల్యాప్​టాప్​ కొనాలంటే ఎంత లేద‌న్నా సుమారు రూ.50వేల‌కు పైగానే ఖ‌ర్చ‌ు పెట్టాలి. కానీ, రూ.15 వేలకే అదిరిపోయే ఫీచ‌ర్ల‌తో సరికొత్త ల్యాప్​టాప్​ మార్కెట్​లో అందుబాటులోకి ఉంది. మ‌రి అది ఏ కంపెనీ ల్యాప్​టాప్​? దాని ఫీచ‌ర్ల సంగతేంటో ఇప్పుడు తెలుసుకుందాం.

Laptop Under 15000 : ఈ కాలంలో ల్యాప్​టాప్​ కొనాలంటే చాలా ఖ‌ర్చుతో కూడుకున్న వ్యవహారం. అందులోనూ మంచి ల్యాప్​టాప్ కావాలంటే రూ.50వేలైనా ఉండాలి. ఫీచ‌ర్లు పెరిగే కొద్దీ రేట్లూ పెరుగుతాయి. కానీ, భారత్​లో ఒక కంపెనీకి చెందిన ల్యాప్​టాప్​ అతి త‌క్కువ ధ‌ర‌కే అదిరిపోయే ఫీచ‌ర్ల‌తో అందుబాటులో ఉంది. ఆ ధ‌ర‌, ఫీచ‌ర్లు చూస్తుంటే వెంటనే కొనేయాల‌నిపిస్తుంది. ఇంత‌కీ అది ఏ కంపెనీ ల్యాప్​టాప్​? ఫీచ‌ర్ల సంగ‌తేంటి అని తెలుసుకోవాలని ఉందా? ఇంకెందుకు ఆలస్యం తెలుసుకుందాం పదండి.

రిల‌య‌న్స్​ కంపెనీలో భాగ‌మైన జియో ఇండియ‌న్​ టెలికాం ప్రస్తుతం ఎల‌క్ట్రానిక్​ రంగంలో ఓ సంచల‌నం. ప్రస్తుత రోజుల్లో డేటా అత్యంత తక్కువ ధరలో అందుబాటులో ఉందంటే దానికి కార‌ణం ఒక ర‌కంగా ఈ కంపెనీయే అని చెప్పవచ్చు. డేటా ద‌గ్గ‌ర్నుంచి ఫోన్ల వ‌ర‌కు ఎన్నో సంస్క‌ర‌ణల్ని తీసుకొచ్చింది రిలయన్స్​ ఇండస్ట్రీస్​. తాజాగా మ‌రో సంచ‌ల‌నానికి తెర తీసింది. అతి త‌క్కువ ధ‌ర‌కే సామాన్యుల‌కూ సైతం అందుబాటులో ఉండేలా అద్భుత‌మైన ఫీచ‌ర్ల‌తో ఓ ల్యాప్​టాప్​ను ఇండియ‌న్​ మార్కెట్​లోకి విడుదల చేసింది.

జియో ల్యాప్​టాప్​ ఫీచర్లివే
రిలయన్స్ జియో​ తీసుకువచ్చిన ఆ ల్యాప్​టాప్​ పేరు 'Jio Book 4G'. గ‌తేడాది జ‌రిగిన ఇండియా మొబైల్​ కాంగ్రెస్ (ఐఎంసీ) ప్ర‌ద‌ర్శ‌న‌లో ఈ సూపర్ అఫర్డబుల్​ ల్యాప్‌టాప్​ను రిలీజ్​ చేశారు. యాంటీ-గ్లేర్​ హెచ్​డీ స్క్రీన్​ క‌లిగిన 11.6 అంగుళాలతో మంచి కాంపాక్ట్​ సైజులో వ‌స్తుందీ ల్యాప్​టాప్​. ఇది 100జీబీ క్లౌడ్​ స్టోరేజీతో వస్తుంది. అంతేకాకుండా చూడ‌టానికి చాలా స్లిమ్​గానూ ఉంది. మీడియాటెక్​ ఆక్టా-కోర్ చిప్​సెట్​ ప్రాసెసర్​తో రన్​ అవుతుంది.

Wi-Fiతో ప‌నిలేదు
రిలయన్స్​ జియో అభివృద్ధి చేసిన జియో ఆపరేటింగ్​ సిస్టమ్‌పై 'జియో బుక్​ 4జీ' నడుస్తుంది. ఒక్క‌సారి ఛార్జ్​ చేస్తే 8 గంట‌ల వ‌ర‌కు గ్యాప్​ లేకుండా వాడుకోవ‌చ్చు. మీరు ఈ JioBookలో ఎడ్యుకేషనల్​ ఛానళ్ల కోసం JioTVని కూడా చూడవచ్చు. గేమ్స్​ లవర్స్​ కోసం ప్రత్యేకంగా JioGames ఆప్షన్​ను కూడా తీసుకువచ్చారు. క్లౌడ్ గేమింగ్ ద్వారా దీనిని యాక్సెస్​ చేసుకోవచ్చు. 4G స‌పోర్ట్​తో వస్తున్న ఈ జియో బుక్​ను వై-ఫై నెట్‌వర్క్‌కి కనెక్ట్​ చేయాల్సిన అవసరమే లేదు.

విద్యార్థుల‌కు బెస్ట్​ ఛాయిస్​!
ఇన్ని అద్భుత‌మైన ఫీచ‌ర్లున్న ఈ Jio Book 4G ల్యాప్​టాప్​ ధ‌ర రూ.14,701 మాత్రమే. ఆన్​లైన్​ ఇ-కామర్స్​ స్టోర్​ అమెజాన్​లో ఇది అందుబాటులో ఉంది. ఏడాది పాటు Quick Heal స‌బ్​స్క్రిప్ష‌న్, Digi Boxx నుంచి 100GB క్లౌడ్​ స్టోరేజ్​తో ఈ ల్యాప్​టాప్​ వస్తుంది. కాగా, రిల‌య‌న్స్​ దీనిని India's First Learning Bookగా అభివ‌ర్ణిస్తుంది. ఇక అతి త‌క్కువ ధ‌ర‌లో ల్యాప్​టాప్ కొనాల‌నుకునే వారికి, విద్యార్థుల‌కు జియో బుక్​ 4జీని బెస్ట్​ ఆప్ష‌న్​గా చెప్పవచ్చు. కోడింగ్​, డాక్యుమెంటేష‌న్​, ప్ర‌ెజంటేష‌న్స్​, మెయిల్స్​, చదువు పరంగా అద్భుతంగా ఉప‌యోగప‌డుతుంది.

• " class="align-text-top noRightClick twitterSection" data="">