HUAWEI Mate 70 Series Launch: మార్కెట్లోకి మరికొద్ది రోజుల్లో హువావే నుంచి సరికొత్త స్మార్ట్ఫోన్స్ రాబోతున్నాయి. చైనాకు చెందిన ఈ సంస్థ ఎట్టకేలకూ తన 'మేట్ 70' సిరీస్ రిలీజ్ డేట్ను రివీల్ చేసింది. తన 'హువావే మేట్ బ్రాండ్' ఈవెంట్లో వీటిని పరిచయం చేయనున్నట్లు ప్రకటించింది. ఈ నేపథ్యంలో కంపెనీ ఈరోజు 'మేట్ 70' సిరీస్ మొబైల్స్ ప్రీ-బుకింగ్స్ ప్రారంభించింది.
'మేట్ 70', 'మేట్ 70 ప్రో' మొబైల్స్ను 12GB వరకు RAM, 1TB స్టోరేజీతో తీసుకురానుంది. ఈ మొబైల్స్ను అబ్సిడియన్ బ్లాక్, స్నో వైట్, స్పర్స్ గ్రీన్, హేసింత్ పర్పుల్‌ వంటి నాలుగు కలర్ ఆప్షన్స్లో కంపెనీ తీసుకురానుంది. ఇక 'మేట్ 70 ప్రో ప్లస్' మొబైల్ను ఇంక్ బ్లాక్, ఫెదర్ వైట్, గోల్డ్ విత్ సిల్వర్, బ్లూ కలర్ ఆప్షన్స్లో 16GB+1TB వెర్షన్‌లో అందుబాటులో ఉంటుంది. ఈ సిరీస్లో 'మేట్ 70 RS' కూడా ఉంటుంది.
'మేట్ 70 ప్రో' మొబైల్ 6.88- అంగుళాల క్వాడ్- కర్వ్డ్ స్క్రీన్తో రానుంది. ఇది 120Hz రిఫ్రెష్ రేట్, 1.5K రిజల్యూషన్తో వస్తుంది. అంతేకాక ToF 3D ఫేస్ రికగ్నిషన్ సపోర్ట్తో ఎంట్రీ ఇవ్వనుంది. కంపెనీ ఎక్కువ మోడల్స్ను ఈ క్వాడ్- కర్వ్డ్ స్క్రీన్తోనే తీసుకురానుంది. అయితే స్టాండర్డ్ మోడల్ను మాత్రం ఫ్లాట్ స్క్రీన్తోనే కంటిన్యూ చేయనుంది.
కంపెనీ తన 'హువావే మేట్ 70' టీజర్ ఇమేజ్ రిలీజ్ చేసింది. దాని వెనుక డిజైన్‌ను వెల్లడించింది. ఈ మొబైల్ నాలుగు లెన్స్లతో కూడిన భారీ కెమెరా బంప్‌ను కలిగి ఉంది. ప్రీవియస్ మోడల్స్తో పోలిస్తే దీని కొత్త బ్యాక్ టెక్చర్ మరింత అప్డేటెడ్గా ఉంది.
ఫేషియల్ రికగ్నిషన్ ఫీచర్లతో ఫ్రంట్ కెమెరా కూడా ఇందులో ఉంది. ఇది లాంగ్ షార్ట్స్ను తీసేందుకు వేరియబుల్ ఎపర్చరు టెక్నాలజీ, పెరిస్కోప్ టెలిఫోటోతో కూడిన ఆప్టిమైజ్ చేసిన XMAGE బ్యాక్ కెమెరాను కలిగి ఉంది. దీని బ్యాటరీ లార్జ్ కెపాసిటీతో వస్తుందని తెలుస్తోంది. అయితే దీని బ్యాటరీ సామర్థ్యం ఎంత ఉందో క్లియర్గా సమాచారం లేదు. ఈ మొబైల్ లేటెస్ట్ HarmonyOS వెర్షన్పై రన్ అవుతుంది.
అన్ని మేట్ 70 సిరీస్ మొబైల్స్ డస్ట్‌ప్రూఫ్, వాటర్‌ప్రూఫ్ రేటింగ్‌లతో వస్తాయని తెలుస్తోంది. 'హువావే మేట్ 60' సిరీస్‌లా కాకుండా కంపెనీ తన 'హువావే మేట్ 70' సిరీస్ కోసం లాంచ్ ఈవెంట్ను నిర్వహిస్తోంది. ఈ నేపథ్యంలో 2024 నవంబర్ 26వ తేదీన ఈ 'హువావే మేట్ బ్రాండ్' ఈవెంట్ డేట్ ఫిక్స్ చేసినట్లు కంపెనీ ప్రకటించింది.
దిమ్మతిరిగే ఫీచర్లతో శాంసంగ్ గెలాక్సీ S25 సిరీస్!- లీక్స్ వచ్చేశాయ్!
