Triangle Love Story at Machilipatnam in Krishna District : ఓ ప్రియుడు, ఇరువురు ప్రియురాళ్ల మధ్య చోటు చేసుకున్న ఘర్షణ కృష్ణాజిల్లాలో కలకలం రేపింది. మచిలీపట్నం చిలకలపూడికి చెందిన ఓ యువతిని ఆ నగరానికే చెందిన బిల్డర్ విజయ్ పెళ్లి చేసుకుంటానంటూ నమ్మించారు. వారు ఇరువురు కొన్నేళ్లుగా సన్నిహితంగా ఉన్నారు. ఈ క్రమంలో ఆమె వద్ద నుంచి సుమారు రూ.15 లక్షల విలువ చేసే నగలు, నగదు తీసుకున్నారు. అనంతరం అతను సంవత్సరం నుంచి ఆమెకు కనిపించకుండా మొఖం చాటేశాడు. ఈ విషయంపై ఆమె ఆరా తీయగా ఇటీవలే కారుణ్య నియామకం ద్వారా కలెక్టరేట్లో ఉద్యోగం పొందిన మరో మహిళతో విజయ్ పరిచయం పెంచుకున్నాడాని మొదటి ప్రియారాలికి తెలిసింది.
ఇద్దరు ప్రియురాళ్ల మధ్య ఘర్షణ : విజయ్ వేరే అమ్మాయితో ఉంటున్నట్లు బాధితురాలు నిర్ధారించుకుంది. కలెక్టరేట్ సమీపంలో ఉన్న అపార్ట్మెంట్లో ఉద్యోగం చేస్తున్న ఆ మహిళకు తను ఇచ్చిన డబ్బుతోనే ఆ ఇంటిని కొనిచ్చాడని బాధితురాలు భావించింది. ఈ క్రమంలో బాధితురాలు అక్కడకు వెళ్లి ఆ మహిళను నిలదీసింది. ఇరువురు మహిళల మధ్య మాటామాటా పెరిగి గొడవపడుతున్న సమయంలో విజయ్ అక్కడకు వచ్చాడు. ఈ నేపథ్యంలో బాధితురాలు ఆగ్రహంతో అపార్ట్మెంట్ సెల్లార్లో ఉన్న విజయ్ కారుపై తను తెచ్చిన పెట్రోల్ని పోసి నిప్పంటించింది. దీంతో సెల్లార్లో మంటలు ఒక్కసారిగా ఎగసిపడ్డాయి. సెల్లార్లో పార్కు చేసి ఉన్న కార్లకు, జనరేటర్కు నిప్పు వ్యాపిస్తుందోమోనని స్థానికులు భయపడ్డారు.
ఈ క్రమంలోనే మండుతున్న కారును బయటకు తోసేశారు. ఈ ఘటనకు సంబంధించి తనపై దాడికి రావడమే కాకుండా కారు తగలబెట్టే ప్రయత్నం చేసిందంటూ ఈ యువతిపై విజయ్ పోలీసులకు ఫిర్యాదు చేశారు. తనను మోసం చేశారని, ప్రశ్నించినందుకు దాడి చేశారని, విజయ్, అతని ప్రియురాలి నుంచి తనకు ప్రాణహాని ఉందని బాధిత యువతి సైతం పోలీసులకు ఫిర్యాదు చేసింది. ఈ సంఘటనకు సంబంధించి పరస్పరం చేసుకున్న ఫిర్యాదులపై కేసులు నమోదయ్యాయి. ఈ విషయంలో ఇరువర్గాల వైపు నుంచి కేసు నమోదు చేస్తున్నట్లు పోలీసుల తెలిపారు.
వరంగల్‌ జిల్లాలో చెరువులో దూకి ప్రేమజంట ఆత్మహత్య
తల్లిదండ్రులు పెళ్లికి ఒప్పుకోలేదని యువతి ఆత్మహత్య - తట్టుకోలేక ప్రియుడి బలవన్మరణం
