Court Grants Special Facilities to MLC Kavitha : తిహాడ్‌ జైలులో ఉన్న బీఆర్ఎస్ ఎమ్మెల్సీ కవితకు అవసరమైన వసతులు కల్పించాలని రౌస్‌ అవెన్యూ న్యాయస్థానం మరోసారి జైలు అధికారులను ఆదేశించింది. కొన్ని వస్తువులను స్వయంగా సమకూర్చుకునేందుకు అవకాశం కల్పించింది. జపమాల, పుస్తకాలు, పెన్నులు, ఇతర వస్తువులతో పాటు ధ్యానం చేసుకునేందుకు జపమాల, లేసులు లేని బూట్లు, ప్రతిరోజు పత్రికలను అనుమతించాలని సీబీఐ కోర్టు ఆదేశించింది.
అలాగే ఇంటి నుంచి ఫుడ్, బెడ్, దుప్పట్లు తెచ్చుకునేందుకు, ఆభరణాలు(Jewellery) ధరించేందుకు కూడా అనుమతించాలని న్యాయస్థానం ఆదేశించింది. వీటితో పాటు కుకింగ్‌ ఆఫ్‌ బుక్స్, 365 సుడోకు, జయ ఘోష, మురకమి నార్వింగ్‌ వుడ్‌, ది ఆర్‌ఎస్‌ఎస్‌ రోడ్‌ మ్యాప్స్‌ ఫర్‌ 21 ఫస్ట్‌ సెంచురీ, నరసింహ శతకం, గజేంద్ర మోక్షం, ది డైరీ ఆఫ్‌ యంగ్‌ గర్ల్‌, లివింగ్‌ ఇన్‌ ద లైట్‌ అండ్‌ పేపర్‌ క్లబ్‌, నోట్‌ బుక్స్కు కూడా అనుమతిస్తూ ప్రత్యేక కోర్టు ఆదేశాలు జారీచేసింది.
Kavitha Petition on Unfacilitated ED : గత నెల 26న ఇచ్చిన ఉత్తర్వుల్లో ఏ ఒక్కటీ ఈడీ అనుమతించలేదని కవిత తరఫు న్యాయవాదులు కోర్టు దృష్టికి తీసుకెళ్లారు. కోర్టు ఉత్తర్వుల్లో పేర్కొన్న అన్నింటినీ తెచ్చుకునేందుకు అనుమతించినట్లు జైలు సూపరింటెండెంట్‌ రౌస్‌ అవెన్యూ న్యాయస్థానానికి తెలిపారు. దీనిపై స్పందించిన కోర్టు మరోసారి స్పష్టంగా లిఖితపూర్వక ఆదేశాలు(Written instructions) జారీ చేసింది.
ఎమ్మెల్సీ కవిత బెయిల్‌ పిటిషన్‌పై విచారణ ఈనెల 4కు వాయిదా - MLC Kavitha Bail Petition Adjourned
