Yuzvendra Chahal Orange Cap : అటు టీమ్ఇండియా మ్యాచ్లతో పాటు ఐపీఎల్లోనూ ఎన్నో అరుదైన రికార్డులను తన ఖాతాలో వేసుకున్నాడు యుజ్వేంద్ర చాహల్. ముఖ్యంగా ఐపీఎల్తో తన స్పిన్ మాయాజాలం చూపించి ఎన్నో అద్వితీయ వికెట్లు తీశాడు ఈ స్టార్ స్పిన్నర్. దీంతో ఐపీఎల్లో అత్యధిక వికెట్లు తీసిన ఆటగాడిగా చరిత్రకెక్కాడు.
ప్రస్తుతం ఐపీఎల్ సన్నాహకాల్లో బిజీగా ఉన్న చాహల్, ఇటీవల ఓ స్పోర్ట్స్ వెబ్‌సైట్‌కి ఇచ్చిన ఇంటర్వ్యూలో అతడు పలు ఆస్తికరమైన విషయాలు పంచుకున్నాడు. అంతే కాకుండా అతడు రానున్న ఐపీఎల్ 2024 అంచనాలపై పలు కీలక వ్యాఖ్యలు చేశాడు.
ఈ సారి ఆరెంజ్ క్యాప్ ఎవరి సొంతమవుతుందని యాంకర్ అడిగాడు దానికి అతడిచ్చిన రిప్లై ప్రస్తుతం నెట్టింట తెగ ట్రెండ్ అవుతోంది." విరాట్ కోహ్లీ, శుభ్‌మాన్ గిల్ కాదు ఈ సారి టీమ్ఇండియా యంగ్ ప్లేయర్, రాజస్థాన్ రాయల్స్ ఓపెనర్‌ ఆరెంజ్ క్యాప్ విజేతగా నిలుస్తాడు. లేకుంటే జోస్ బట్లర్కు కూడా ఈ సారి ఛాన్సెస్ ఉన్నాయి" అని చాహల్ అంచనా వేశాడు.
2022 సీజన్‌లో జోస్ బట్లర్ ఆరెంజ్ క్యాప్ గెలుచుకున్న సంగతి తెలిసిందే. ఆ ఏడాది ఆడిన 17 మ్యాచ్‌ల్లో జోస్ 863 పరుగులు సాధించాడు. మరోవైపు జైస్వాల్ కూడా మంచి ఫామ్లో ఉన్నాడు. ఆడిన అన్ని ఫార్మాట్లలోనూ సత్తా చాటుతాడు. గత ఐపీఎల్ సీజన్‌లోనూ తన ఆటతీరుతో అందరినీ ఆకట్టుకున్నాడు. ఆడిన 14 మ్యాచ్‌లలో 624 పరుగులు స్కోర్ చేశాడు. అలా ఒక్క ఐపీఎల్ సీజన్‌లో అత్యధిక పరుగులు సాధించిన అన్‌క్యాప్డ్ బ్యాటర్‌గానూ చరిత్రకెక్కాడు. ఇక పర్పుల్ క్యాప్ను ఆఫ్గానిస్థాన్ స్పిన్నర్ రషీద్ ఖాన్ గెలుచుకుంటాడంటూ ప్రిడిక్ట్ చేశాడు. గతేడాది జరిగిన లీగ్లో 17 మ్యాచ్‌లలో 27 వికెట్లు సాధించి సత్తా చాటాడు.
IPL 2024 Schedule : 2024 ఐపీఎల్ షెడ్యూల్ విడుదలైంది. మార్చి 22న లీగ్ ప్రారంభంకానుంది. చెన్నై సూపర్ కింగ్స్- రాయల్ ఛాలెంజర్స్ బెంగళూరు మధ్య చెన్నై చెపాక్ స్టేడియంలో తొలి మ్యాచ్ జరగనుంది. సాధారణ ఎన్నికల నేపథ్యంలో బోర్డు తొలుత 21 మ్యాచ్ల షెడ్యూల్ను ప్రకటించింది. మార్చి 22 నుంచి ఏప్రిల్ 7వరకు ఐపీఎల్ 17న సీజన్ తొలి విడత టోర్నీ జరగనుంది. ఇందులో నాలుగు డబుల్ హెడర్ మ్యాచ్లు ఉన్నాయి. ఇక మిగిలిన మ్యాచ్ల షెడ్యూల్ సాధారణ ఎన్నికల తేదీలు ఖరారైన తర్వాత ప్రకటించే ఛాన్స్ ఉంది.
అయితే భారత్లో ఏప్రిల్- మే నెలలో సార్వత్రిక ఎన్నికలు జరగాల్సి ఉంది. అయినప్పటికీ ఈసారి టోర్నమెంట్ను పూర్తిగా భారత్లోనే నిర్వహించడానికి ప్లాన్ చేస్తున్నట్లు ఐపీఎల్ లీగ్ ఛైర్మన్‌ అరుణ్ ధుమాల్‌ ఇదివరకే స్పష్టం చేశారు. ఇక ఈ ఎడిషన్లో ప్లేఆఫ్స్ కలుపుకొని మొత్తం 74 మ్యాచ్లు జరగనున్నాయి
'అప్పటికి చాహల్ ఎవరో నాకు తెలీదు- ఆ ఒక్క మాటతో నచ్చేశాడు'- ధనశ్రీ లవ్ కహానీ!
