ఒకే ఓవర్​లో ఆరు సిక్స్ లు - యూవీ ఐకానిక్ ఇన్నింగ్స్​పై ధోనీ ఏమన్నాడంటే? - Dhoni Said This To yuvraj 6 sixes

Dhoni Said This To yuvraj 6 sixes : సెప్టెంబర్ 19 - భారత క్రికెట్‌ చరిత్రలోనే అరుదైన ఘనత నమోదైన రోజుది. తొలి సారి 2007లో టీ20 వరల్డ్​ కప్​ను భారత్‌ సొంతం చేసుకున్న సంగతి తెలిసిందే. ఈ పొట్టి ప్రపంచ కప్‌లో స్టార్ క్రికెటర్ యువరాజ్‌ సింగ్ ఎప్పటికీ మర్చిపోలేని ఓ అరుదైన ఘనతను సాధించాడు. టీ 20ల్లో ఒకే ఓవర్‌లో ఆరు సిక్స్‌లు బాదిన తొలి బ్యాటర్‌గా రికార్డు క్రియేట్ చేశాడు. దీనిపై ధోనీ ఏమన్నాడంటే?

Dhoni Said This To yuvraj 6 sixes : టీమ్ ఇండియా మాజీ బ్యాటర్ యువరాజ్ సింగ్ పేరు చెప్పగానే అందరికీ గుర్తుకొచ్చే ఇన్నింగ్స్ 2007 టీ20 వరల్డ్ కప్​లో ఇంగ్లాండ్​పై ఒకే ఓవర్​లో ఆరు బంతులకు 6 సిక్సర్లు. 2007 సెప్టెంబరు 19న ఇంగ్లాండ్​తో జరిగిన టీ20లో మ్యాచ్​లో ఆడిన ఈ ఐకానిక్ ఇన్సింగ్స్​కు నేటితో 17 ఏళ్లు నిండాయి. అయితే యూవీ విధ్వంసం సృష్టిస్తున్నప్పుడు నాన్ స్ట్రైకర్ ఎండ్​లో మహీంద్ర సింగ్ ధోనీ ఉన్నాడు. అయితే స్టువర్ట్ బ్రాడ్ బౌలింగ్​లో యువీ ఆరో సిక్సర్ కొట్టిన వెంటనే మహీ అతడి వద్దకు వచ్చి కొన్ని కామెంట్స్ చేశాడు. 'చూశావా నా తర్వాత బ్యాటింగ్​కు వచ్చిన ప్రతీసారీ నీ స్ట్రైక్ రేటు డబుల్ అవుతోంది' అని యువీతో వ్యాఖ్యానించాడట. ఈ విషయాన్ని యువీ ఇటీవల ఓ ఇంటర్వ్యూలో వెల్లడించాడని ఇంగ్లీష్ మీడియాలో కథనాలు వచ్చాయి.

ఫ్లింటాఫ్ గొడవ గురించి!
అలాగే ఇంగ్లాండ్ బౌలర్ ఆండ్రూ ఫ్లింటాఫ్​తో గొడవ గురించి యూవీ వ్యాఖ్యానించాడు. అలానే ఫ్లింటాఫ్ ఇన్నింగ్స్ 18 ఓవర్​లో రెండు మంచి బాల్స్ వేశాడని, ఆఖరి బంతికి తాను సింగిల్ తీశానని యూవీ చెప్పుకొచ్చాడు. ఆ సమయంలోనే ఫ్లింటాఫ్ తనను ఏదో అన్నాడని, అది తనకు సరిగ్గా వినిపించలేదని తెలిపాడు. " ఏమన్నావ్? అని గట్టిగా అడిగాను. నాకు చాలా కోపం వచ్చింది. అయితే అంపైర్ వచ్చి గొడవ పడకుండా ఆపాడు. ఆ కోపంతోనే ప్రతీ బంతిని గ్రౌండ్ బయటపడేయాలని కసిగా కొట్టాను. మొదటి బంతి గ్రౌండ్ బయటపడింది. కోపంలో ఎంత గట్టిగా కొట్టానో కూడా తెలికుండా కొట్టేశాను. ఫ్లింటాప్​లో ఉన్న గొప్పతనం ఏంటంటే మ్యాచ్ ముగిసిన తర్వాత నాతో గొడవ గురించి మాట్లాడాడు. అలాగే కరచాలనం చేశాడు. అప్పుడు నాకు ఫ్లింటాఫ్‌ పై మరింత గౌరవం పెరిగింది" అని యూవీ వ్యాఖ్యానించాడు.

6️⃣ 6️⃣ 6️⃣ 6️⃣ 6️⃣ 6️⃣

Happy birthday @YUVSTRONG12! 🎂 pic.twitter.com/0ZFS3EBHnw

— ICC (@ICC) December 12, 2019

యువీ ఆరు సిక్సర్లు బాదాడిలా -మొదటి సిక్స్‌: ఇంగ్లాండ్ బౌలర్ స్టువర్ట్ బ్రాడ్ వేసిన తొలి బంతిని యూవీ డీప్‌ వికెట్‌, లాంగాన్‌కు మధ్య ఉండే కౌ కార్నర్‌ వైపు బాదాడు. అది మైదానం అవతలి పడింది. ఈ సిక్స్ దాదాపు 111 గజాల దూరం వెళ్లిందట. రెండో సిక్స్‌: సింపుల్ టెక్నిక్​తో రెండో బంతిని ఫ్లిక్ చేశాడు యూవీ. ఆ బంతి డీప్‌ మీదుగా స్టాండ్స్‌ లో పడింది.మూడో సిక్స్‌ : ఈసారి ఎక్స్‌ ట్రా కవర్స్‌ మీదుగా అలవోకగా సిక్స్‌ బాదేశాడు యూవీ. ఈ సిక్స్‌ను చూస్తే ఇంత ఈజీగా కూడా సిక్సర్​ను బాదేయొచ్చా అని ప్రేక్షకులకు అనిపిస్తుంది.నాలుగో సిక్స్‌: బ్రాడ్ వేసిన ఫుల్ టాస్ బాల్​ను బ్యాక్ వర్డ్ పాయింట్ మీదుగా సిక్స్​గా మలిచాడు యూవీ. ఐదో సిక్స్‌: మోకాలిని కాస్త వంచి ఓవర్‌ మిడ్‌ వికెట్‌ మీదుగా యువీ కొట్టిన సిక్స్‌ మ్యాచ్‌కే హైలైట్​గా నిలిచింది. బంతి బాగా పైకి లేవడం వల్ల అంతా క్యాచ్​గా వస్తుందని అనుకున్నారు. అది ప్రేక్షకుల మధ్య పడింది.ఆరో సిక్స్‌: ఈసారి బంతిని వికెట్లకు సూటిగానే బ్రాడ్ వేశాడు. కానీ, వైడ్ మిడాన్‌ మీదుగా సిక్స్‌ కొట్టిన యువీ సరికొత్త చరిత్రను సృష్టించాడు. టీ20 ఫార్మాట్​లో ఒకే ఓవర్​లో వరుసగా ఆరు సిక్స్‌లు కొట్టిన తొలి బ్యాటర్​గా నిలిచాడు.