Newzealand VS Srilanka Test Series : న్యూజిలాండ్తో శ్రీలంక టెస్ట్ సిరీస్ ఆడనుంది. దీనికి సంబంధించిన షెడ్యూల్ను శ్రీలంక క్రికెట్(ఎస్‌ఎల్‌సీ) రీసెంట్గా రిలీజ్ చేసింది. అయితే ఈ షెడ్యూల్లో భాగంగా 'రెస్ట్ డే' ఉంటుందని ప్రకటించింది. దీంతో చాలా మంది ఈ తరం క్రికెట్ అభిమానులు ఈ 'రెస్ట్ డే' ఎందుకిచ్చారు? కొత్తగా దీనిని చేర్చారా? అసలు ఎంటి ఇది? అని చర్చిస్తున్నారు.
అసలేంటీ 'రెస్ట్ డే'?(What is Rest Day) - శ్రీలంకలో అధ్యక్ష ఎన్నికల కారణంగా ఈ 'రెస్ట్ డే'ను జత చేశారు. వాస్తవానికి ఈ రెస్ట్ డే అనేది క్రికెట్లో పాత సంప్రదాయామే. అప్పటి క్రికెట్ అభిమానులకు ఈ రెస్ట్ డే గురించి తెలిసే ఉంటుంది. టెస్టు మ్యాచులో తీసుకునే విరామంనే రెస్ట్ డే అంటారు.
అప్పట్లో ఇంగ్లాండ్‌లో జరిగే మ్యాచ్‌లకు ఈ రెస్ట్ డేలు సాధారణంగానే ఉండేది. ఎందుకంటే ఆ రోజుల్లో టెస్ట్ మ్యాచులు వరుసగా ఆరు రోజుల పాటు సాగేవి. అప్పుడు ఆదివారం ఒక రోజు సెలవుగా తీసుకునేవారు. ఇది ఆటగాళ్లకు గేమ్ నుంచి కాస్త రిలీఫ్‌ ఇచ్చేది. బౌన్స్, పేస్ పొందేందుకు పిచ్కు అనుకూలంగా ఉండేది. అయితే ఆ తర్వాత క్రమంగా ఇంటర్నేషనల్ క్రికెట్‌కు క్రేజ్, డిమాండ్ పెరగడం, అలానే జట్లు తమ ఆట సమయాన్ని సద్వినియోగం చేసుకోవాలనే ఆలోచనతో రెస్ట్ డేను క్రమక్రమంగా తొలగించేశారు. అలా ఈ రెస్ట్ డే సంప్రదాయం కాలంతో పాటు కనుమరుగై పోయింది.
చివరిగా ఎప్పుడంటే? - 2008లో శ్రీలంక బంగ్లాదేశ్ పర్యటన సందర్భంగా చేసిన షెడ్యూల్లో ప్రకటించిన రెస్ట్ డేనే ఆఖరిది. బంగ్లాదేశ్‌లో పార్లమెంటరీ ఎలెక్షన్స్కు అనుగుణంగా డిసెంబరు 29న రెస్ట్ డేను అమలు చేశారు.
ఇకపోతే ప్రస్తుతం లంక - న్యూజిలాండ్ మధ్య 2 టెస్టు మ్యాచుల సిరీస్ జరగనుంది. సెప్టెంబరులో ఇది ప్రారంభం కానుంది. తొలి టెస్టు సెప్టెంబరు 18 నుంచి 23 వరకు జరగగా, రెండో మ్యాచు సెప్టెంబర్‌ 26 నుంచి 30 వరకు గాలేలో జరగనుంది. ఇందులో మొదటి టెస్టులో మాత్రమే విశ్రాంతి దినాన్ని చేర్చారు.
శ్రేయస్ అయ్యర్ సిస్టర్ ఎవరో తెలుసా? - ఇన్స్టాలో వెరీ ఫేమస్! - Shreyas Iyers Sister Shresta Iyer
వైకల్యాన్ని దాటి పతకాల వేటకు సై - పారిస్ పారాలింపిక్స్లో తెలుగు తేజాలు - Paris Paralympics 2024
