రోహిత్ విన్నింగ్ మూమెంట్​- తన స్టైల్​లో పిచ్​కు రెస్పెక్ట్ - T20 World Cup 2024

Rohit Sharma Pitch: టీ 20 ప్రపంచకప్ విజయం సాధించిన తరువాత రోహిత్ శర్మ విభిన్నమైన పని చేశాడు. పిచ్ నుంచి కాసింత మట్టిని తీసుకొని రుచి చూశాడు. అద్భుత విజయాన్ని అందించిన పిచ్​కు అతడు గౌరవపూర్వకంగా దండం పెట్టాడు.

Rohit Sharma Pitch: 13 ఏళ్ల సుదీర్ఘ విరామానికి తెరదించుతూ టీమ్ఇండియా కెప్టెన్‌ రోహిత్ శర్మ భారత్‌కు ఐసీసీ ట్రోఫీ అందించాడు. కల సాకారమైన వేళ హిట్‌ మ్యాన్‌ భావోద్వేగానికి గురయ్యాడు. జగజ్జేతలుగా నిలిచిన వేళ బార్బడోస్‌లోని కెన్సింగ్టన్‌ ఓవల్‌ మైదానంలో భారత త్రివర్ణ పతాకాన్ని పాతాడు. ఆ తర్వాత బార్బడోస్‌ మైదానంలో గ్రాస్​ (Pitch Grass) రుచి చూసి రోహిత్ శర్మ పిచ్​పట్ల గౌరవాన్ని చాటుకున్నాడు.

భారత శిబిరం అంతా ఆనంద భాష్పాలు రాలుస్తున్న వేళ బార్బడోస్‌ పిచ్‌పైన ఉన్న మట్టిని తీసి రోహిత్ నోట్లో వేసుకున్నాడు. ఈ వీడియో ప్రస్తుతం సోషల్ మీడియాలో వైరలైంది. దీంతో నెటిజన్లు రోహిత్​ను మెచ్చుకుంటున్నారు. వరల్డ్​కప్ కల నెరవేర్చిన పిచ్​కు రోహిత్ నమస్కరించడం అతడి సంస్కారానికి అద్దం పడుతున్నాయని అంటున్నారు. 'పిచ్ పట్ల అతడికి అపారమైన గౌరవం ఉంది' 'అది మరాఠా సంప్రదాయం' అని నెటిజన్లు కామెంట్ చేస్తున్నారు.

THIS IS OUR CAPTAIN ROHIT SHARMA...!!!! 🥺❤️

- Captain Rohit Sharma eating the soil of pitch after won the T20 World Cup Trophy. 🏆 (Video - ICC). pic.twitter.com/Rwm6iWtVmi

— Tanuj Singh (@ImTanujSingh) June 30, 2024

చాలా కష్టపడ్డాం: రోహిత్‌
పొట్టి ప్రపంచకప్‌ గెలిచిన తర్వాత టీ 20 క్రికెట్‌కు గుడ్‌బై చెప్పిన రోహిత్‌ శర్మ అనంతరం కీలక వ్యాఖ్యలు చేశాడు. ఈ మెగా టోర్నీ వైపు భారత జట్టు ప్రయాణం ఎలా సాగిందో వివరించాడు. వ్యక్తిగతంగా, టీమ్​గా తాము విశ్వ విజేతలుగా నిలవడానికి చాలా కష్టపడ్డామని హిట్‌మ్యాన్‌ తెలిపాడు. పొట్టి ప్రపంచకప్‌ గెలిచేందుకు చాలా శ్రమించామని కొన్ని నెలలు ముందుగానే ప్రణాళిక రచించినట్లు చెప్పాడు. తెరవెనక చాల శ్రమ జరిగిందని టీమ్ఇండియాకెప్టెన్‌ తెలిపాడు.

ఈ విజయం సాధించినందుకు తాను చాలా గర్వపడుతున్నానని, జట్టుగా కలిసి విజయాలు సాధించామని రోహిత్‌ తెలిపాడు. కింగ్‌ కోహ్లీ ఆటపై తనకు ఎప్పుడూ ఎలాంటి అనుమానాలు లేవన్నాడు. భారత జట్టులో కోహ్లీ చాలా కీలకమని అది ఫైనల్లో నిరూపితమైందని రోహిత్‌ తెలిపాడు. అక్షర్, బుమ్రా, హార్దిక్ అద్భుతంగా ఆడాడని ప్రశంసల జల్లు కురిపించాడు.

Rohit Sharma eating the grass of the pitch after winning the trophy.🥹❤️ pic.twitter.com/BT8tcQO801

— ANSHUMAN🚩 (@AvengerReturns) June 30, 2024

• కెప్టెన్​గా రోహిత్​కు ఇది 50వ టీ20 విజయం. పొట్టి ఫార్మాట్​లో అత్యధిక మ్యాచ్​లు నెగ్గిన కెప్టెన్ రోహిత్ శర్మే. బాబర్ ఆజమ్ (48), బ్రియన్ మసాబా (45) తర్వాతి స్థానాల్లో ఉన్నారు.