Virat Kohli Ricky Ponting: రాయల్ ఛాలెంజర్స్ బెంగళూరు స్టార్ బ్యాటర్ విరాట్ కోహ్లీ స్ట్రైక్ రేట్పై వస్తున్న విమర్శల పట్ల ఆస్ట్రేలియా మాజీ కెప్టెన్ రికీ పాంటింగ్ స్పందించాడు. ఈ విషయంలో తాను మరోసారి విరాట్కు మద్ధతుగా నిలుస్తున్నట్లు తెలిపాడు. టీమ్ఇండియా నుంచి టీ20 వరల్డ్కప్నకు విరాటే తన తొలి ప్రాధాన్యత అని పేర్కొన్నాడు. విరాట్ను టీ20 జట్టు నుంచి తప్పిచడానికి ఇండియన్స్ అనేక కారణాలు వెతుకుతారని అన్నాడు. ప్రపంకప్ ముంగిట ఐసీసీ రివ్యూ ఈవెంట్లో రీసెంట్గా పాల్గొన్న పాంటింగ్ ఈ వ్యాఖ్యలు చేశాడు.
'టీమ్ఇండియా ఫ్యాన్స్ ఎల్లప్పుడూ విరాట్ను జట్టులో నుంచి తప్పించడానికి కారణాలు వెతుకుతుంటారు. లేదా ఇంకా ఎవరైన ప్లేయర్ను చూపించి టీ20ల్లో విరాట్ కంటే వాళ్లు బెటర్ అని చెప్పడానికి ప్రయత్నిస్తుంటారు. కానీ, ఐసీసీ ఈవెంట్లలో కీలక మ్యాచ్ల్లో విరాట్ అదరగొట్టిన సందర్భాలెన్నో ఉన్నాయి. అంతటి క్లాస్, అనుభవం ఉన్న ప్లేయర్ను రిప్లేస్ చెయ్యడం కష్టం. ఇక రానున్న ప్రపంచకప్ టోర్నీలో రోహిత్తో కలిసి విరాట్ ఇన్నింగ్స్ ఓపెనింగ్ చేస్తాడని అనుకుంటున్నా. భారీ స్కోర్లు చేయగల విరాట్ ఓపెనింగ్ చేస్తే, రోహిత్ శర్మ, సూర్యకుమార్ యాదవ్ స్ట్రైక్ రేట్ కూడా పెరుగుతుంది' అని పాంటింగ్ అన్నాడు.
అలా జరిగిన ఆశ్చర్యపోవాల్సిన పని లేదు: ఇక ఐపీఎల్లో ఆర్సీబీ పెర్ఫార్మెన్స్ గురించి కూడా ఇంట్రెస్టింగ్ కామెంట్స్ చేశాడు. ప్రస్తుతం ఫుల్ఫామ్లో ఉన్న ఆర్సీబీ జట్టు టైటిల్ నెగ్గినా ఆశ్యర్యపోవాల్సిన అవసరం లేదన్నాడు. 'ఆర్సీబీ తమ గత 6 మ్యాచ్ల్లో ఎలా ఆడిందో చూశాం. ఈ ఫామ్ ఇలాగే కొనసాగితే ఫైనల్లో నెగ్గి ఛాంపియన్గా నిలిచినా ఆశ్చర్యం లేదు' అని పాంటింగ్ అన్నాడు.
Virat Kohli IPL 2024: ప్రస్తుత సీజన్లో విరాట్ అదగొడుతున్నాడు. ఇప్పటి వరకు 14మ్యాచ్లు ఆడిన విరాట్ 708 పరుగుల చేశాడు. ఇందులో ఓ సెంచరీ, నాలుగు హాఫ్ సెంచరీలు ఉన్నాయి. ఈ క్రమంలో టోర్నీలో అత్యధిక పరుగులు చేసిన జాబితాలో ఆగ్రస్థానంలో కొనసాగుతున్నాడు.
సొంత రికార్డ్ బ్రేక్ చేసే ఛాన్స్- ఆ ఫీట్కు అతి చేరువలో విరాట్ కోహ్లీ - IPL 2024
'రెండుసార్లు నా హార్ట్ బ్రేక్ అయ్యింది- కోలుకోడానికి కొన్ని రోజులు పట్టింది' - IPL 2024
