'అదంతా ఫేక్- నేను అలా అనలేదు'- రోహిత్​పై వ్యాఖ్యలపై ప్రీతీ క్లారిటీ - IPL 2024

Preity Zinta On Rohit Sharma: స్టార్ బ్యాటర్ రోహిత్ శర్మ గురించి తాను ఎలాంటి కామెంట్స్ చేయలేదని నటి ప్రీతీ జింతా చెప్పింది. మెగా వేలంలో రోహిత్ కోసం తాను ఎంత్తైనా ఖర్చు చేస్తానంటూ వచ్చిన వార్తలపై క్లారిటీ ఇచ్చింది.

Preity Zinta On Rohit Sharma: ముంబయి ఇండియన్స్​ మాజీ కెప్టెన్ రోహిత్ శర్మ కోసం ఎంత్తైనా ఖర్చు చేస్తానని తాను చెప్పినట్లు వచ్చిన వార్తలను పంజాబ్ కింగ్స్ ఓనర్ ప్రీతీ జింతా ఖండించింది. అవన్నీ ఫేక్ వార్తలన్న (Fake)ప్రీతీ, తాను రోహిత్​పై అలాంటి కామెంట్స్ చేయలేదని పేర్కొంది. అవన్నీ ఉత్తి పుకార్లేనని సోషల్ మీడియా వేదికగా క్లారిటీ ఇచ్చింది.

'అవన్నీ ఫేక్ వార్తలు. రోహిత్ శర్మపై నాకు ఎంతో గౌరవం ఉంది. నేను అతడి ఫ్యాన్ కూడా. కానీ, నేను తన గురించి ఏ ఇంటర్వ్యూలోనూ మాట్లాడలేదు. మా జట్టు కెప్టెన్ శిఖర్ ధావన్​పై కూడా నాకు అపార గౌరవం ఉంది. ప్రస్తుతం ధావన్ గాయం కారణంగా ఆటకు దూరంగా ఉంటున్నాడు. దయచేసి ఇలాంటి వార్తలు ప్రచారం చేయవద్దు. ఇప్పుడు మా జట్టు చాలా బలంగా ఉంది. ప్రస్తుతం మా దృష్టి అంతా 2024 ఐపీఎల్​ టైటిల్ సాధించడంపైనే ఉంది' అని ప్రీతీ జింతా తన ఎక్స్​ (ట్విట్టర్​)లో అకౌంట్​లో పోస్ట్ షేర్ చేసింది.

అసంలేం జరిగిందంటే?
పంజాబ్ కింగ్స్ రీసెంట్​గా రాజస్థాన్​తో మ్యాచ్ ఓడిపోయిన తర్వాత ప్రీతీ తమ జట్టుకు నిలకడగా రాణిస్తూ, ఛాంపియన్ మైండ్​సెట్​ ఉన్న ప్లేయర్ కావాలని ఆమె అభిప్రాయపడిందంటూ వార్తలు వచ్చాయి. ఈ క్రమంలో ఆమె 2025 మెగావేలంలోకి రోహిత్ శర్మ అందుబాటులో ఉంటే ఎంత భారీ మొత్తానికైనా కొనుగోలు చేసేందుకు సిద్ధం అన్నట్లు కథనాలు వచ్చాయి. ఈ మేరకు ప్రీతీ తాజాగా క్లారిటీ ఇచ్చింది.

Punjab kings IPL 2024: ప్రస్తుత సీజన్​లో పంజాబ్ కింగ్స్ ఓటముల పరంపర కొనసాగుతోంది. ప్రతీ మ్యాచ్​లో పట్టుదలతో చివరి ఓవర్​ దాకా పోరాడుతున్నప్పటికీ పంజాబ్​కు నిరాశే ఎదురవుతోంది. ఆడిన ఏడు మ్యాచ్​ల్లో దాదాపు నాలుగు మ్యాచ్​ల్లో పంజాబ్ గెలుపు అంచులదాకా వచ్చి భంగపడింది. ఇక ఇప్పటివరకూ 7 మ్యాచ్​లు ఆడగా ఐదింట్లో ఓడి, రెండింట్లోనే విజయం సాధించింది. దీంతో 4 పాయింట్లతో పట్టికలో తొమ్మిదో స్థానంలో కొనసాగుతోంది.