Powerful Indians In Cricket World: బీసీసీఐ సెక్రటరీ జై షా '100 మోస్ట్ పవర్ఫుల్ ఇండియన్స్' 2024 లిస్ట్లో టీమ్ఇండియా స్టార్ బ్యాటర్లు విరాట్ కోహ్లీ, రోహిత్ శర్మ కంటే ముందున్నారు. ఓ జాతీయ మీడియా భారత్లోని టాప్- 100 పవర్ఫుల్ వ్యక్తుల లిస్ట్ రిలీజ్ చేయగా అందులో జై షా 35వ స్థానంలో ఉన్నారు. ఇదే లిస్ట్లో స్టార్ ప్లేయర్ విరాట్ 38వ ప్లేస్లో ఉండగా, టీమ్ఇండియా మాజీ కెప్టెన్ మహేంద్రసింగ్ ధోనీ 58వ, ప్రస్తుత కెప్టెన్ రోహిత్ శర్మ 68వ స్థానం దక్కించుకున్నారు.
2023లో బీసీసీఐ మహిళల ప్రీమియర్ లీగ్కు శ్రీకారం చుట్టడం, 2023 వన్డే వరల్డ్కప్ భారత్లో సక్సెస్ఫుల్గా నిర్వహించడం, దాదాపు 128ఏళ్ల తర్వాత ఒలింపిక్స్లో క్రికెట్ను చేర్చడంలో షా కృషి ఉంది. దీంతో జై షాను క్రికెట్ ప్రపంచంలో మోస్ట్ పవర్ఫుల్మేన్ లిస్ట్లో చేర్చినట్లు సదరు మీడియా సంస్థ పేర్కొంది.
ఇక ఈ జాబితా ప్రకారం అథ్లెట్లలో విరాట్దే టాప్ ప్లేస్. టాప్- 100లో ధోనీ సహా విరాట్, రోహిత్, నీరజ్ చోప్రా, వినేశ్ ఫొగాట్కు ఈ లిస్ట్లో చోటు దక్కింది. వీరిలో విరాట్ అందరికంటే ముందుండగా (38వ ప్లేస్), ఒలింపిక్ గోల్డ్ మెడల్ విన్నర్ నీరజ్ చోప్రా 46వ ర్యాంక్ సాధించాడు. తర్వాత 42ఏళ్ల ధోనీ అంతర్జాతీయ క్రికెట్ నుంచి తప్పుకున్నా మోస్ట్ ఇన్ఫ్ల్యూయెన్సర్గా ఉన్నాడు. దీంతో ధోనీ 58వ స్థానం దక్కించుకున్నాడు. ఇక రోహిత్ శర్మ 68 ప్లేస్లో ఉండగా, 29ఏళ్ల రెజ్లర్ వినేశ్ ఫొగాట్ 100వ స్థానంలో ఉన్నాడు.
BCCI Central Contract 2024: ఇక బీసీసీఐ తాజాగా ప్రకటించిన సెంట్రల్ కాంట్రక్ట్లో రోహిత్, విరాట్ A+ గ్రేడ్ను రిటైన్ చేసుకున్నారు. ఈ గ్రేడ్లో ఆల్రౌండర్ రవీంద్ర జడేజాతోపాటు, పేసర్ జస్ప్రీత్ బుమ్రా కూడా తమ కాంట్రాక్ట్ను పదిలంగా ఉంచుకున్నారు. ఈ గ్రేడ్లో ఉన్న ప్లేయర్లకు సంవత్సరానికి రూ.7 కోట్ల మేర శాలరీ అందనుంది. వీరితోపాటు ఎ, బీ, సీ గ్రేడ్లలో ఆయా ప్లేయర్లను చేర్చారు.
