మంచు గడ్డలపై వాకింగ్, ఎండుగడ్డిపై నిద్ర - భారత హాకీ ప్లేయర్లకు హార్డ్ ట్రైనింగ్! - Paris Olympics 2024

Paris Olympics 2024 Indian hockey team : 2020 టోక్యో ఒలింపిక్స్​లో కాంస్యాన్ని ముద్దాడిన భారత పురుషుల హాకీ జట్టు, ఈ సారి ఎలాగైనా పారిస్​లో పతకాన్ని సాధించాలని భావిస్తోంది. ఈ నేపథ్యంలో హాకీ జట్టు ఆటగాళ్లలో మనోధైర్యం, కాన్ఫిడెన్స్​ను పెంచేందుకు లైఫ్ కోచ్ మైక్ హార్న్ నేతృత్వంలో కఠినమైన ట్రైనింగ్ ఇచ్చారు. మంచు గడ్డలపై నడవడం, ఎండు గడ్డిపై రాత్రంతా పడుకోవడం వంటివి చేశారు. పూర్తి వివరాలు స్టోరీలో.

Paris Olympics 2024 Indian hockey team : క్రీడలు, రాజకీయం, చదువు, వ్యాపారం ఇలా ఏ రంగంలో రాణించాలన్నా మనోధైర్యం చాలా అవసరం. ఓటమి భయం కూడా ఉండకూడదు. అలాగే శారీరకంగా బలంగా ఉండడంతో పాటు మానసికంగానూ దృఢంగా ఉండాలి. అందుకే పారిస్ ఒలింపిక్స్​లో రాణించేందుకు భారత పురుషుల హాకీ జట్టు క్రీడాకారులకు ఆల్ఫ్స్ పర్వత శిఖరమైన గ్లేసియర్ 3000పై నడవడం, సైక్లింగ్ చేయడం వంటివి చేయించారు లైఫ్ కోచ్ మైక్ హార్న్. అలానే వారి మనసులో ఉన్న భయాలను, ఆందోళలను దూరం చేసేలా కఠినమైన శిక్షణ ఇచ్చారు. అందుకోసం మంచు గడ్డలపై నడిపించడం, గడ్డిపై నిద్రపోవడం వంటివి చేయించారు.

సూపర్ సక్సెస్ లైఫ్ కోచ్ - 2011 ప్రపంచ కప్ విజేత అయిన టీమ్ ఇండియాకు, 2014 ఐపీఎల్ సీజన్ విన్నర్ కోల్​కతా నైట్ రైడర్స్​కు, 2014 ప్రపంచ కప్ ఫుట్‌ బాల్ ఛాంపియన్ జర్మన్ జట్టుకు హార్న్ లైఫ్ కోచ్​గా వ్యవహరించారు మైక్​ హార్న్​. ఆయన జట్లు లేదా క్రీడాకారులకు మానసిక దృఢంగా ఉండేలా శిక్షణ ఇస్తుంటారు. ఒత్తిడిని జయించేందుకు చిట్కాలను అందిస్తుంటారు. అలానే పారిస్ ఒలింపిక్స్​లో పాల్గొన్న భారత పురుషుల హాకీ జట్టు కూడా హార్న్ శిక్షణ ఇచ్చారు.

మూడు రోజుల పాటు కార్యక్రమాలు(Indian hockey team Training) - శిక్షణలో భాగంగా స్విట్జర్లాండ్​లోని సానెన్‌ గ్రామంలో మొదటి రోజు రాత్రి బూట్ క్యాంప్​లో భారత పురుషుల హాకీ జట్టు - శారీరక, మానసిక దృఢత్వం కోసం పలు సాహసోపేత కార్యక్రమాలు చేసింది. రెండో రోజు సైక్లింగ్, కేబుల్ కార్ రైడ్ వంటివి చేసింది. ఆ తర్వాత టీమ్​ అంతా కలిసి పొలంలో ఎండు గడ్డిపై నిద్రించింది. ఆఖరి రోజు వాటర్ ఫాల్స్​లో ఈత కొట్టింది. ఈ కార్యకలాపాలు ఆటగాళ్లకు శారీరక బలాన్నే కాకుండా మానసికంగానూ దృఢంగా చేశాయి.

"మొదట్లో హాకీ జట్టు ఆటగాళ్లు కొంత ఆందోళనగా కనిపించారు. ఆ తర్వాత కాన్ఫిడెన్స్ పెరిగింది. మంచు గడ్డలపై వారిని నడిపించాను. వారు నా సవాళ్లను స్వీకరించి ఫాలో అయ్యారు. టోక్యో ఒలింపిక్స్​లో భారత పురుషుల హాకీ జట్టు కాంస్యం సాధించింది. అందుకే ఈ సారి ఆ జట్టుపై అంచనాలు భారీగానే ఉంటాయి. ఈసారి జట్టు బలాలపై దృష్టి పెట్టడం, మానసికంగా దృఢంగా ఉండాలని వారికి సలహా ఇచ్చాను."
అని మైక్ హార్న్ అన్నారు.

𝐐 next to India in Paris 2024 Standings sounds perfect.💪🇮🇳

With Belgium defeating Australia last night it ensured our berth into the Quarter-finals of Paris Olympics.#HockeyIndia #IndiaKaGame #Hockey #Paris24 #HockeyLayegaGold #IndiaAtParis #Cheer4Bharat #WinItforSreejesh… pic.twitter.com/rRyw3R1PgE

— Hockey India (@TheHockeyIndia) July 31, 2024

ఆ రోజులను గుర్తు చేసుకున్న మైక్ హోర్న్అలాగే గంభీర్ నేతృత్వంలోని కోల్​కతా నైట్ రైడర్స్ టీమ్​తో కలిసి పనిచేసిన రోజులను గుర్తు చేసుకున్నారు మైక్ హార్న్. 'పెద్ద విజయాలు దక్కాలంటే మానసిక బలం, ఒత్తిడి లేకుండా ప్రశాంతంగా ఉండడం చాలా అవసరం. సానుకూల వాతావరణం ఉండాలి. జట్టు విజయంలో ప్రతి ఆటగాడి పాత్ర కీలకమైనే నమ్మకాన్ని వారికివ్వాలి. వీటన్నింటిని పాటించి కోల్​కతా నైట్ రైడర్స్ టీమ్ 2014లో ఐపీఎల్ ట్రోఫీని గెలిచింది.' అని హోర్న్ తెలిపారు. గత 41ఏళ్లుగా ఢీలా పడిన భారత హాకీ టీమ్ భారత్ హాకీ జట్టుకు ఒలింపిక్స్​లో మంచి రికార్డు ఉండేది. విజయవంతమైన జట్టుగా పేరుంది. ఇప్పటివరకు భారత పురుషుల హాకీ జట్టు ఎనిమిది స్వర్ణాలతో సహా 12 పతకాలను గెలిచింది. అయితే గత 41ఏళ్లుగా పతకం సాధించలేకపోయింది. 2020 టోక్సో ఒలింపిక్స్​లో కాంస్యం సాధించింది. ఇక ప్రస్తుతం పారిస్ ఒలింపిక్స్​లో ఇప్పటికే రెండు మ్యాచులు గెలిచిన భారత పురుషుల హాకీ జట్టు తదుపరి మ్యాచులను బెల్జియం, ఆస్ట్రేలియాతో తలపడనుంది.'ఇండియా హౌజ్​'కు భారత అథ్లెట్లు- పతక విజేత సరబ్​జోత్​కు నీతా అంబానీ సన్మానం - Paris Olympics 2024