KL Rahul Koffee With Karan Show : బాలీవుడ్లో మోస్ట్ పాపులర్ షోగా పేరొందిన 'కాఫీ విత్ కరణ్'లో తాను చేసిన కామెంట్స్ గురించి స్టార్ క్రికెటర్ రాహుల్ పలు కీలక వ్యాఖ్యలు చేశాడు. ఆ ఇంటర్వ్యూ వల్ల తన జీవితం పూర్తిగా మారిపోయిందని, అంతేకాకుండా ఆ కాంట్రవర్సీ తనను ఎంతగానో భయపెట్టిందని రాహుల్ తెలిపాడు. ఓ ప్రముఖ పోడ్కాస్ట్లో ఈ విషయం గురించి తాజాగా స్పందించాడు.
"సాధారణంగా నేను ట్రోలింగ్స్ను అంతగా పట్టించుకోను. అయితే, కొన్నేళ్ల క్రితం నా గురించి నెట్టింట విపరీతమైన విమర్శలు వచ్చాయి. నేను కూర్చున్నా, నిల్చున్నా కూడా నెటిజన్లు నన్ను ఎంతగానో ట్రోల్స్‌ చేశారు. ఆ ఇంటర్వ్యూ (కాఫీ విత్ కరణ్ షో) వ్యక్తిగతంగా నా జీవితాన్ని బాగా మార్చేసింది. మాములుగా నేను సాఫ్ట్గా ఉండే వ్యక్తిని. కానీ టీమ్‌ఇండియాకు ఆడటం మొదలుపెట్టాక నాలో ఎక్కడిలేని కాన్ఫిడెన్స్ పెరిగింది. 100 మంది మధ్యలోనూ బాగా మాట్లాడగలిగేవాణ్ని. అయితే ఆ ఘటన తర్వాత నేను ఇప్పుడు ముందులా ఉండలేకపోతున్నా. ఆ ఇంటర్వ్యూ నన్ను బాగా భయపెట్టింది. స్కూల్లో నన్నెప్పుడూ సస్పెండ్ చేయలేదు, అలాగే శిక్షించలేదు కూడా. కానీ ఆ వ్యాఖ్యల కారణంగా నేను జట్టులో నుంచి సస్పెన్షన్‌కు గురయ్యాను. తొలిసారి అలాంటి అనుభవం ఎదురవడం వల్ల దాన్ని ఎలా ఎదుర్కోవాలో నాకు తెలియలేదు. ఇప్పటికీ అది నా జీవితంలో ఓ మాయని మచ్చలా మిగిలిపోయింది" అంటూ రాహుల్ అప్పటి రోజులను గుర్తుచేసుకున్నాడు.
ఏమైందంటే?
బాలీవుడ్ స్టార్ డైరెక్టర్ కరణ్ జోహార్‌ హోస్ట్‌ చేసే 'కాఫీ విత్ కరణ్' షోల భాగంగా హార్దిక్ పాండ్య , కేఎల్ రాహుల్ పాల్గొన్నారు. అయితే ఆ షోలో ఈ ఇద్దరూ మహిళలను ఉద్దేశించి కొన్ని అభ్యంతరకర వ్యాఖ్యలు చేశారు. అది కాస్త తీవ్ర దుమారం రేపాయి. అయితే ఆ తర్వాత ఈ విషయమై ఆ ఇద్దరూ బహిరంగంగా క్షమాపణలు చెప్పినప్పటికీ బీసీసీఐ కఠిన చర్యలు తీసుకుంది. కొంతకాలం సస్పెన్షన్తో పాటు రూ.20లక్షల జరిమానా విధించింది. అంతేకాకుండా ఈ పరిణామాలతో ఆ ఎపిసోడ్‌ను డిజిటల్‌ స్ట్రీమింగ్ ప్లాట్‌ఫామ్స్‌ నుంచి తొలగించారు.
వైరల్గా కేఎల్ రాహుల్ ఇన్స్టా పోస్ట్ - రిటైర్మెంట్ ప్రకటించనున్నాడా? - KL Rahul Retirement
కేఎల్ రాహుల్ - సంజీవ్ గోయెంకా గొడవపై స్పందించిన కోచ్ - ఏమన్నారంటే? - IPL 2024
