వర్షం కారణంగా క్వాలిఫయర్ 1 రద్దైతే - విజేత ఎవరు? - IPL 2024 Qualifier 1

IPL 2024 Qualifier 1 SRH VS KKR : క్వాలిఫయర్​ - 1 మ్యాచ్​కు వర్షం అటంకం కలిగిస్తే విజేతను ఎలా ప్రకటిస్తారు? పూర్తి వివరాలు స్టోరీలో.

IPL 2024 Qualifier 1 SRH VS KKR : ఇండియన్ ప్రీమియర్ లీగ్ (IPL) 2024 సీజన్ ప్లేఆఫ్స్‌లోకు వేళైంది. లీగ్ స్టేజ్ మ్యాచులన్నీ ముగిశాయి. నాకౌట్ దశలో తొలి మ్యాచ్ క్వాలిఫయర్ - 1 మంగళవారం(మే 21) అహ్మదాబాద్‌ వేదికగా నరేంద్ర మోదీ స్టేడియంలో జరగనుంది. ఈ పోరులో కోల్‌కతా నైట్ రైడర్స్ (కేకేఆర్), సన్‌రైజర్స్ హైదరాబాద్ (ఎస్‌ఆర్‌హెచ్) పోటీపడనున్నాయి. ఇందులో గెలిచిన వారు ఫైనల్​కు నేరుగా అర్హత సాధిస్తారు.

అయితే ఈ మోదీ స్టేడియంలో జరిగిన చివరి మ్యాచ్‌లో వర్షం అడ్డంకిగా మారింది. మే 13న గుజరాత్ టైటాన్స్ (జీటీ), కోల్‌కతా నైట్ రైడర్స్ (కేకేఆర్) మధ్య జరగాల్సిన మ్యాచ్ వర్షం వల్ల రద్దైంది. తర్వాత మే 16న సన్‌రైజర్స్ హైదరాబాద్ (ఎస్​ఆర్​హెచ్​), గుజరాత్ టైటాన్స్ మధ్య మ్యాచ్ కూడా వర్షం వల్లే అసంపూర్తిగా జరిగింది. దీంతో ఇప్పుడు జరగాల్సిన క్వాలిఫయర్-1 మ్యాచ్​లోనూ వర్షం ఆటంకం కలిగిస్తుందేమో అని ఫ్యాన్స్ టెన్షన్ పడుతున్నారు. ఒకవేళ వరుణుడు వల్ల మ్యాచ్ రద్దు చేస్తే ఎలా అని ఆందోళన చెందుతున్నారు.

అయితే క్వాలిఫయర్-1 మ్యాచ్​లో వర్షం పడితే పరిస్థితి ఆధారంగా కనీసం 5-5 ఓవర్ల మ్యాచ్‌ను నిర్వహించేందుకు ప్రయత్నిస్తారు. ఒకవేళ ఇది సాధ్యం కాకపోతే సూపర్ ఓవర్​ నిర్వహించి ఫలితం వచ్చేలా ట్రై చేస్తారు. అప్పటికీ ఇది కూడా సాధ్యం కాకపోతే మ్యాచ్ రద్దు చేస్తారు. పాయింట్ టేబుల్ ప్రకారం ఎక్కువ పాయింట్లు రన్​రేట్ ఉన్న జట్టును విజేతను అనౌన్స్ చేస్తారు. ఈ లెక్కన ఈ క్వాలిఫయర్-1లో కోల్‌కతా విజేతగా నిలుస్తుంది. ఎందుకంటే పాయింట్ల పట్టికలో ఈ జట్టు టాప్​లో ఉంది.

ఇక ఎలిమినేటర్, క్వాలిఫయర్-2లోనూ వర్షం వల్ల ఇబ్బంది పడితే క్వాలిఫయర్-1లానే నిబంధనల ప్రకారం విజేతను ప్రకటిస్తారు. కానీ ఫైనల్​లో మాత్రం నిబంధనలు కాస్త వేరుగా ఉంటాయి. ఫైనల్ మ్యాచ్‌కు రిజర్వ్ డే ఉందా లేదా అనేది ప్రస్తుతానికి తెలీదు. అయితే గతేడాది ఫైనల్ మ్యాచ్ రిజర్వ్ డే ఉంది. అంటే ఇప్పుడు కూడా మే 26న చెన్నై చిదంబరం స్టేడియంలో జరగనున్న ఫైనల్​ మ్యాచ్​లో ఫలితం రాకపోతే మే 27న ఫైనల్ నిర్వహించే అవకాశం ఉంటుంది.

• Next Stop 👉 Ahmedabad! ✈️
  
  𝗤𝘂𝗮𝗹𝗶𝗳𝗶𝗲𝗿 𝟭 calling 💜🧡
  
  Kolkata Knight Riders 🆚 Sunrisers Hyderabad#TATAIPL | #KKRvSRH | #Qualifier1 | @KKRiders | @SunRisers pic.twitter.com/NvGURFEmnz

  — IndianPremierLeague (@IPL) May 19, 2024